Markus 9:35 - Muna Southern Dialect

³⁵ Nengkoha kaowu, nosaliꞌidamo koompulu hoduando anaguhuꞌino, maka nofohatoda ambano, “Dopoindalo dembali so neangka tabeano dombuhumai, doꞌondofao kadeki kafaraluundo mie bhaindo.”

Markus 9:35 Referans Kwoze

Lukas 22:26

Tamaka hintimiu pae naembali nada naꞌa. Mie nefokoisa foliuno kabhala tabeano nahumabu nada mie nefokoai, mie neangka tabeano naꞌumondofao kafaraluundo mie bhaindo.

Matius 23:11

Laꞌae moindalono nafoliu kabhalano soda ne olotamiu itu, tabeano naꞌumondofao kafaraluundo mie bhaindo.

Yakobus 4:6

Ampamo kaowu rahamatino Lahataꞌala ne intaodiomu nofofoliu. Kapaꞌamo notibuhi dua weo Kitabi, “Lahataꞌala noꞌontomi patudhundo mie melangkeno diu, tamaka nofotiwohaanda rahamatino ne mie mekapandano wutono.”

Lukas 18:14

Amohatokoomu, mie mealano sewa ini nosuli se lambuno nembalimo mie banara ne wiseno Lahataꞌala, tamaka seemieno miina. Kapaꞌamo sasuka mekalangkeno wutono namekapandae Ompu, sasuka mekapandano wutono namekalangkee.”

Markus 9:36

Pada anaꞌa, Yesus netondamo seemie anaꞌi kahobu, nofoehe-ehee ne wisendo maka nokakopue bhe nopugau,