Markus 9:33 - Muna Southern Dialect

³³ Pada anaꞌa dohatomo toha we Kapernaum. Dopesua kaowu weo lambu, Yesus nofeenamo ne anaguhuꞌino, “Puga-pugauꞌaoꞌomu ae gahaꞌa we sala saꞌituinia?”

Markus 9:33 Referans Kwoze

Ibrani 4:13

Miina bhe dumadino notifebuni ne matano Lahataꞌala, bhahi-bhahiꞌae kanggetu delembi bhe notiwolengkasi ne wiseno. Ne Anoamo dua dapowiseꞌao wutontoomu ne sabhaha nehabunto.

Powoha 2:23

Mie mangkafie tetewei amongkoda maka kosasawiꞌae tombudo umati damandeꞌaane putae Idimo tumiisangino kakolalondo bhe fekihindo manusia. Idimo dua so bhoosiangkoomu seemie-seemie naposahataa bhe habumiu.

Yohanes 21:17

Katolu pakuno Yesus nofeena toha ambano, “Simon anano Yohanes, moasi kanau bhahaa?” Simon Petrus nokompeahamo lalono nofetingke Yesus nofeenae tolu pakumo, “Moasi kanau bhahaa?” maka notobhoosimo dua ambano, “Ompu, ingka pandeꞌaane bhahi-bhahiꞌae, pandeꞌaane dua ingka aoasiangko.” Ambano Yesus, “Ondofaanda dhumbaku.

Yohanes 2:25

Miina namaraluu damohatoane feꞌilindo manusia, kapaꞌamo nopandeꞌaane totono lalondo manusia.

Markus 2:8

Tamaka Yesus lasao nopandeꞌaane nefekihindo, maka nopugau ambano, “Noafa gahaꞌa kofekihiꞌaoꞌomu peda aitu?

Matius 17:24

Wakutuuno Yesus bhe anaguhuꞌino dohato we Kapernaum, domaimo mealano sewano Lambuno Lahataꞌala ne Petrus bhe dopugau ambado, “Bhahaa gurumu miina natumanduaoa sewano haa woka perano so Lambuno Lahataꞌala?”

Markus 3:19

bhe Yudas Iskariot. Anoamo ini mowano Yesus ne limando kaewa.