Markus 9:31 - Muna Southern Dialect

³¹ mbaꞌinomo nandoo nofoinaꞌu anaguhuꞌino. Ambano, “Anano Manusia - Idimo ini - damowae ne limando mie kokuasano, maka damongkoe. Tamaka ne katolu oleono nadumadimo toha.”

Markus 9:31 Referans Kwoze

Matius 16:21

Notandamo wakutuu anaꞌa Yesus nofohatomo anaguhuꞌino mentalea-mentalea, putae Anoa tetewei nakumala we Yerusalem. Ne itu naobhahi naeꞌawa kakadee-dee maiꞌao ne kamungkulaꞌi, neangkaꞌindo imamu bhe pande-pande Kitabi. Andoa damongkoe, tamaka ne katolu oleono namanu namaiꞌao ne mate.

Markus 9:12

Notobhoosimo Yesus, “Uumbe daanumo, Elia so maino wawo, namosintuwuꞌao sabhaha giu. Ampamo kaowu nada amai Anano Manusia, Idi ini? Ingka weo Kitabino anabii notibuhi nabhahi naenamisi kakadee-dee, pae dakumonaꞌie mie.

Markus 8:31

Nopalusi anaꞌa Yesus notandamo nofohato anaguhuꞌino ambano, “Anano Manusia - Idimo ini - tetewei nabhahi naenamisi kakadee-dee. Anoa dabansie kamu-kamungkulaꞌi, neangkaꞌindo imamu bhe pande-pande Kitabi. Damongkoe, tamaka ne katolu oleono nadumadimo toha.”

Lukas 24:26

Ingka Mesias Omputo Fosalamatino tetewei naenamisi kadeki kosasawiꞌae maitu so namehapiꞌao kakalabhiano.”

Matius 26:2

“Ingka pandeꞌaaneomu hohaeaꞌano Paska tanaefua. Ne naꞌa Anano Manusia damowae ne kokuasano maka dakumantaiꞌe te sau salipu.”

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

2 Timotius 2:12

ane dakosabahaomu dapotaamiꞌao kakadee-dee, ingka mada kaowu damahinta dua bhe Anoa; ane dagumaga miina damandeꞌaane, ingka mada kaowu nagumaga dua miina nafopandeꞌao;

Yohanes 10:18

Bhe naseemie miina bhe so malano inawaku, tamaka afowaꞌane hampano kahelasino Wutoku. Idi akokuasa afowaꞌane, akokuasa dua sumuli atumahimae. Ainimo taka netahimaku ne Amaku.”

Yohanes 3:14

Tapedamo anabii Musa nefopika ule tambaga ne sau maka nosangkee nofekalangkee we pandaso bhalano, nadamo dua anaꞌa Anano Manusia tetewei dasumangkee damekalangkee,

Yohanes 2:19

Yesus notobhoosida ambano, “Hunggaeꞌomu Lambuno Lahataꞌala ini maka namooli tolu oleo atumokaemo dua amoehee.”

Lukas 9:44

ambano, “Taꞌoomu tingalamiu, tandaiꞌeomu pugauku ini. Anano Manusia daowae ne kuasano manusia.”

Matius 27:63

Ambado, “Waompu, tafeꞌulai pugauno fobhohe-bhoheꞌino maitu wakutuu nandoo nodadi. Ambano ne katolu oleono namanumo maiꞌao ne mate.

Markus 10:34

Andoa naꞌa damele-elee, dakumapehasie, dahumambisiane habuta maka damongkoe. Tamaka ne katolu oleono nadumadimo toha.”