Markus 9:25 - Muna Southern Dialect

²⁵ Yesus nowohamo mie dodhulu kabhahi dolibuda, maka noꞌamahaki seetani maitu ambano, “Hintu seetani! Mefobhohe bhe mefopongke mie! Atuduko limbaꞌo toha maiꞌao ne anaꞌi aini, maka koemo suli-sulikiea!”

Markus 9:25 Referans Kwoze

Tula-tulando rasulu 16:18

Ampa seꞌoleo haa oleo sakei peda naꞌa. Tamaka Paulus miinamo namoolie lalono nofetingke kahunggaino maitu. Lasao nodoliki kalambe aitu maka nopugau ne seetani mesuakie ambano, “Weo neano Yesus Kristus, atuduko limbaꞌo toha maiꞌao ne kalambe aini.” Seetani anaꞌa lasao nolimba nomaiꞌao ne kalambe amaitu.

Lukas 9:42

Tangasano nekala-kala nohope ne Yesus, seetani nohambitaꞌiao anaꞌi aitu ne wite maka nogegohaane. Tamaka Yesus tanobhoohai seetani anaꞌa, nofekaꞌosa anaꞌi aitu maka nofosulie ne amano.

Markus 9:15

Nelaa dowoha Yesus, mie bhahi naꞌa domente, lasao dotende dosumpuiꞌe.

Matius 17:18

Dohatoane kaowu, Yesus nohandapimo seetani ⸤ mesuakino anaꞌi⸥ aitu, gahaꞌa lasao nolimba maiꞌao ne anaꞌi maitu, koꞌosa-osano.

Yudas 1:9

Mahinggamo Mikael neangkando malaꞌeakati, miina nahumabu peda maitu. Wakutuuno nopotagali bhe Kafeompuꞌando seetani bhahaꞌi laꞌae so malano maeatino anabii Musa, Mikael miina naokadoa namekaꞌaebu Kafeompuꞌando seetani naꞌa. Ampamo kaowu tanopugaumo ambano, “Lahataꞌala so umamahakiko!”

Lukas 11:14

Sewakutuu Yesus nefolimba seetani mefekabhongano mie. Salimbano seetani anaꞌa, mie bhonga aitu nopandemo netula-tula sampe mie bhahi tadomente.

Lukas 8:29

Kapugauꞌano peda naꞌa mbaꞌinomo Yesus nopahintangi seetani naꞌa nalumimba namaiꞌao ne mie aitu. Seetani anaꞌa nentelamo nokuasai mie amaitu. Mbali nomudaꞌao dhaganiꞌano dohantee bhe dolangkee, tamaka katapuno naꞌa nopadae nobhotulie maka nowowoꞌoe seetani we pada molinoꞌano.

Lukas 4:41

Dobhahi dua seetani dolimba domaiꞌao ne mie bhe dokei ambado, “Hintumo Anano Lahataꞌala.” Yesus noꞌeleꞌaanda sepaliꞌa damugau, mbaꞌinomo dopandeꞌaanemo putae Yesus Omputo Fosalamatino.

Lukas 4:35

Tamaka Yesus nohandapie ambano, “Koise mohobhoa, limbaꞌo toha maiꞌao ne mie aini!” Gahaꞌa seetani anaꞌa nohambitaꞌiao mie aitu ne wunta-wuntando mie bhahi maka nolimba bhe miina namekolea-leaꞌiea.

Matius 12:22

Pada anaꞌa deowaanemo seemie nepesuakino seetani. Mie anaꞌa nobunto bhe nobhea. Yesus nofekaꞌosae sampe nembalimo nopugau bhe nofowohamo.

Markus 9:24

Amano anaꞌi naꞌa lasao nokei, “Aparasaea Ompu! Tamaka tulumi kanau weo kakaeno kaparasaeaku ini!”

Markus 9:26

Anaꞌi naꞌa nogegohaane toha seetani aitu, lasao nolimba bhe nopokakei-kei. Anaꞌi naꞌa wohaꞌano tapedamo mie mate, sampe ambado mie bhahi, “Ingka nomatemo.”