Markus 9:2 - Muna Southern Dialect

² Nopalusi nomo oleo, Yesus noowamo Petrus, Yakobus bhe Yohanes dofoni te kabhawo melangkeꞌano. Ne itu domoisa kaowu. Gahaꞌa Yesus notibhaliimo wohaꞌano ne wisendo.

Markus 9:2 Referans Kwoze

Markus 5:37

Yesus nopansuhumo, tamaka mie bhahi noꞌeleꞌaanda damangkafie, mpahinomo Petrus, Yakobus bhe Yohanes, kakutaꞌano Yakobus.

Markus 14:33

Petrus, Yakobus bhe Yohanes nosaliꞌida damangkafie. Notandamo ne itu nosabha sepaliꞌa bhe nokakenda-kenda handano.

2 Korintus 13:1

Aini katolu pakunomo amantaa-ntaa amai we hintimiu. ⸤ Weo Kitabi notibuhi,⸥ “Sehonda parakara kaneꞌomo notiangga ane bhe sakusiino dohodua tawa dototolu.”

Powoha 20:11

Pada aitu awohamo dua kaengkohaꞌa kumalabhiano nopute bhe nobhala bhe Mengkohafie. O lani bhe dhunia tanosimiinaeꞌamo ne wiseno kao-kaomo dofileiane, miinamo natiwohaa.

Markus 16:12

Pada anaꞌa Yesus nofotiwoha dua Wutono ne anaguhuno dohodua, tangasano dokala we simbalino kota; ulano segaatiꞌa dua.

Filipi 3:21

Nahumato kaowu Kristus nabhalii mbadha kasarantoomu monaleno ini naembali nasekatu bhe mbadhano wutono kumalabhiano. Kanandooꞌano peda anaꞌa mbaꞌinomo Kristus nokokuasa namotuhu sabhaha ndumandoono ne wiseno.

Roma 12:2

Koemo mesandahaomu ne sabhaha podiu bhe kaneano dhunia ini, tamaka hunsaꞌanomo Lahataꞌala namahabuꞌouni fekihimiu sampe natibhalii dadimiu. Ane nadamo anaꞌa mandeꞌaaneomu medano ae kapoindalono Lahataꞌala: sabhaha podiu metaaꞌano, mekaꞌiano lalono bhe sumangkaꞌano.

Yohanes 1:14

Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

Lukas 6:12

Wakutuu anaꞌa Yesus nofonimo te kabhawo maka kosealoꞌae nosambahea ne Lahataꞌala.

Matius 14:13

Nofetingke bhihita peda naꞌa, Yesus nogampimo nosawi ne bhangka, patudhuno nakumala we molinoꞌano namoisa. Sadofetingke peda aitu, mie bhahi domaiꞌao ne sabhaha liwu doangkafie doangka wite.