Markus 9:19 - Muna Southern Dialect

¹⁹ Maka Yesus nopugaumo ambano, “Pahasili hintimiu ini, mie pata marasaeano! Tana seꞌae gahaꞌa beano so kaomponano aeate bhe hintimiu? Tana seꞌae gahaꞌa so sabahaku? Owaeꞌomu se ini anaꞌi itu.”

Markus 9:19 Referans Kwoze

Yohanes 20:27

Pada anaꞌa nopugaumo ne Tomas ambano, “Ondo limaku ini, fotumpu wunano limamu ne ini. Fonsoho limamu, fedampa tompano kaha-kahaku ini. Koemo nopoibhahaa lalomu, parasaeaꞌo toha!”

Markus 16:14

Panda-pandano Yesus nofotiwoha Wutono ne anaguhuꞌino koompulu seemiendo, tangasano dohumaa. Nofeꞌalada mbaꞌinomo miina damarasaea, pakade notuꞌa fotundo sampe dongahe damarasaea ne mie mohae nopalusi kawanuꞌano.

Lukas 24:25

Nopugaumo Yesus ambano, “Kabhohemiu gahaꞌa, kahenteno totono lalomiu, sampe miina marasaeaꞌomu sabhaha nekosuahaꞌaondo ana-anabii!

Lukas 9:41

Ambano Yesus, “Pahasili hintimiu, mie tapa marasaeano bhe kolilinono totono lalo! Tana seꞌae gahaꞌa beano so kaomponanoa aeate bhe hintimiu? Tana seꞌae bhahaa so sabahaku? Owa kanaꞌe se ini anamu itu!”

Matius 17:17

Nopugaumo Yesus ambano, “Pahasili hintimiu, mie tapa marasaeano bhe kolilinono totono lalo! Tana seꞌae gahaꞌa beano so kaomponano aeate bhe hintimiu? Tana seꞌae bhahaa so sabahaku? Owaeꞌomu se ini anaꞌi itu!”

Yohanes 12:27

Aitu nosabha handaku. Miina amandeꞌaanea apugauꞌao ae bhahaa. Ane apugau, ‘Ama, folapa kanau ne tempono kakadee-dee aini’, tamaka ingka kamaiꞌaku anumamisi kakadee-dee aini.

Markus 9:18

Taenomo nohatoe seetani maitu, lasao notihambitao ne wite; nokida koseꞌulu-uluno, wobhano tanokobuha-buhamo, nokuꞌi bhe wangkano. Padamo dua aesalo ne anaguhuꞌimu damolimbaeꞌao, tamaka miina damooliea.”

Markus 9:20

Anaꞌi amaitu doowaemo se Yesus. Sanowoha Yesus, seetani naꞌa kansuhu nogegohao anaꞌi maitu sampe notihambitao ne wite. Newalo-walole, nokobuha-buhamo bhe wobhano.