Markus 7:34 - Muna Southern Dialect

³⁴ Yesus nototohanamo te lani, nofeeneimbusu maka nopugau ambano, “Efata ,” maꞌanano, “Tilengkaꞌo toha!”

Markus 7:34 Referans Kwoze

Yohanes 11:41

Dadiꞌanomo dofogampimo kontu anaꞌa. Pada aitu Yesus nototohanamo bhe nopugau ambano, “Ama, notumpu laloku ne Hintu hampano fetingke kanau.

Markus 6:41

Yesus noalamo roti lima onuno bhe kenta haa uluno maitu maka nototohana te lani, nefoampe katumpuno lalo ne Ompu Lahataꞌala. Pada anaꞌa nobhebhehamo roti aitu maka nowaꞌandae anaguhuꞌino dadumawu-dawuandae mie bhahi. Pedamo dua anaꞌa kenta haa uluno maitu.

Markus 5:41

Dohato weo bolokuno anaꞌi naꞌa, Yesus nointahamo limano bhe nopugau ambano, “Talita kum,” maꞌanano, “Anaku, wanuꞌo toha!”

Tula-tulando rasulu 9:34

Ambano Petrus, “Eneas, aitu Yesus Kristus nofekaꞌosako, wanuꞌo toha maka fosintuwu kaodoꞌamu!” Eneas lasao nowanu.

Yohanes 11:33

Nowoha Maria noꞌae bhe miendo Yahudi mangkafie doꞌae dua, Yesus nosabha handano bhe nokompeaha lalono. Nopugaumo ambano,

Markus 15:34

Hambi tolu mata, Yesus noloꞌoimo nofekandii-ndii ambano, “ Eloi, Eloi, lama sabaktani?” Maꞌanano, “Lahataꞌalaku, Lahataꞌalaku, noafa hunsa kanauꞌao?”

Markus 8:12

Pada nokaꞌuu we lalono, Yesus notobhoosidamo ambano, “Noafa gahaꞌa mie dhamani aini desaloꞌao tanda timenteꞌaono? Amohatokoomu, paise! Pae sepaliꞌa aehabuanda tanda kamesalondo.”

Tula-tulando rasulu 9:40

Tamaka Petrus notududa dalumimba kosasawindo maka nofongkoha tuuno nosambahea. Pada anaꞌa nodolimo ne maeati maitu maka nopugau, “Tabita, wanuꞌo toha!” Tabita nofowulamo matano. Sanowoha Petrus, lasao nowanu nengkoha.

Yohanes 11:43

Pada nopugau peda naꞌa Yesus noloꞌoimo nofekabhala-bhala suahano, “Lasarus, limbaꞌo toha!”

Ibrani 4:15

Imamuntoomu, o Imamu Bhalano numamisino dua sabhaha kanalentoomu. Anoa nopototo bhe intaodiomu ini, padamo nonamisie sabhaha kasoba, ampamo kaowu miina nakodhosaa.

Yohanes 17:1

Pada nopugau peda naꞌa Yesus nototohanamo te lani maka nopugau ambano, “Ama, nohatomo tempono, fotiwoha kakalabhiano Anamu ⸤ Idimo ini⸥ , neanomo Anamu namotiwoha dua kakalabhiamu.

Yohanes 11:38

Yesus nofenduamo nokompeaha lalono maka nohatomo se kobuhu. Kobuhu anaꞌa o lia dosongkoane kontu bhalano.

Yohanes 11:35

Yesus tanopotuhumo luuno.

Lukas 19:41

Nohato we owano kota, nowoha Yerusalem, Yesus noꞌaefiemo.

Lukas 18:42

Ambano Yesus, “Fowohaꞌo toha, hampano parasaea ne Idi, osalamatimo!”

Lukas 7:14

Pada aitu nodhulupimo katongkuno maeati maka nodampasie sampe mie metongkuno dofetumpu. Nopugaumo Yesus ambano, “Anaꞌi moꞌane, ambaku wanuꞌo toha!”

Markus 1:41

Hampano nobhela lalono, Yesus nofonsoho limano maka nofedampae bhe nopugau, “O Idi aꞌunda, moꞌosaꞌo toha.”

Markus 7:35

Tingalano mie aitu notilengkamo, katapuno lelano notilensemo bhe nelaamo pugauno.