Markus 6:3 - Muna Southern Dialect

³ Ingka Anoa ini o tuka, anano Maria, bhahitieꞌino ndo Yakobus, Yoses, Yudas bhe Simon. Bhahitieꞌino hobhine deate dua ne ini.” Sampe nondidikiane lalondo.

Markus 6:3 Referans Kwoze

Matius 12:46

Tangasano Yesus nopugau ne mie bhahi maitu, dohatomo inano bhe bhahitieꞌino. Andoa deehe-ehe we simbali, gaondo damoꞌawaane.

Yohanes 6:42

Ambado, “Anoa ini ingka Yesus anano Yusuf, inano bhe amano ingka dopandeꞌaaneomu. Noafaꞌao dua nopugau, ‘Idi ini asampu amaiꞌao te surugaa?’ ”

Yudas 1:1

Suha aini nomaiꞌao ne Yudas, palima-limano Yesus Kristus bhe bhahitieno Yakobus. Suha aini abuhie so kosasawindo mie nepili bhe nemoasiꞌaono Lahataꞌala Amantoomu bhe nedambaꞌao so Yesus Kristus.

Galatia 1:19

Tamaka miina akonipoꞌawaꞌao rasulu sigaoꞌano, mpahinomo Yakobus bhahitieno Ompu Yesus.

Matius 11:6

Dokodawua mpuu mie tapa mongaheꞌi kanau hampano kandidikino lalo.”

Tula-tulando rasulu 1:13

Sahatondo we kota, dokalamo se lambu kabutuꞌando maka dofoni te boloku te wawo. Andoa ini ndo Petrus bhe Yohanes, Yakobus bhe Andreas, Filipus bhe Tomas, Bartolomeus bhe Matius, Yakobus anano Alfeus, bhe Simon miendo Zelot bhe Yudas anano Yakobus.

Markus 15:40

Nandoo dua hobhineꞌi umondono we kodoꞌono. Ne olotando hobhineꞌi maitu, nandoo Maria Magdalena, Salome bhe Maria inando Yakobus mohangkuꞌano dadi bhe Yoses.

1 Korintus 1:23

Tamaka insaodi ini taefolele bhihitano Kristus mateno te sau salipu. Bhihita aini nodaiane lalondo miendo Yahudi, mie suano Yahudi dokonae tula-tula bhohe.

Yohanes 14:22

Yudas (tamaka suano Yudas Iskariot) nofeenamo ambano, “Waompu, noafa bhahaa motiwohaꞌao Wutomu ne insaodi, suano ne dhunia?”

Lukas 7:23

Dokodawua mpuu mie tapa mongaheꞌi kanau hampano kandidikino lalo.”

Lukas 2:34

Pada anaꞌa Simeon nobarakatidamo bhe nopugau ne Maria inano anaꞌi anaꞌa ambano, “Kotu-kotuꞌu anaꞌi aini nofotantuemo Lahataꞌala so miendo Israel bhahino, sigaꞌa namobinasada, sigaꞌa namosalamatida. Anoa somo katandai maiꞌao ne Lahataꞌala, somo dapotaga-tagaliꞌao mie bhahi.

1 Petrus 2:4

Dadiꞌanomo maꞌotiomu Ompu. Anoamo tapedamo kontu dumadino. Daanumo doꞌohoe manusia, tamaka nopilie Lahataꞌala mbali kontu sandi foliuno kakoharagaa.

1 Korintus 9:4

Bhahaa miina takohakua taomaa bhe taohoꞌu hasilino kaowuleꞌa mani?

Markus 3:18

Andreas, Filipus, Bartolomeus, Matius, Tomas, Yakobus anano Alfeus, Tadeus, Simon miendo Zelot,

Tula-tulando rasulu 12:17

Tamaka Petrus noaleda keana dohobho, pada aitu netula-tulaandamo notondae Ompu nomaiꞌao weo katohongku. Ambano dua Petrus, “Kala metula-tulaꞌaoꞌomu kadhadhia aini ne Yakobus bhe bhahitientoomu sigaoꞌano.” Pada anaꞌa nolimbamo maka nokala we liwu sigaoꞌano.

Lukas 8:20

Dofohatoemo mie ambado, “Inamu bhe bhahitieꞌimu deehe-ehe we simbali, gaondo dapoꞌawaangko!”