Markus 6:15 - Muna Southern Dialect

¹⁵ Tamaka ambado sigaoꞌano, “Anoa ini anabii Elia!” Nandoo dua mugauno, “Anoa ini o anabii, nopototo bhe ana-anabii dhamani wawono.”

Markus 6:15 Referans Kwoze

Matius 21:11

Mie bhahi maitu dotobhoosi ambado, “Ainiꞌaemo anabii Yesus maiꞌaono we liwuno Nasaret, we kadieno Galilea.”

Markus 8:28

Dotobhoosimo ambado, “Nandoo kumonako Yohanes Fokadiuno, nandoo dua kumonako Elia, sigaꞌa dokonako dua seemie anabii.”

Matius 16:14

Ambado, “Nandoo mugauno Hintu Yohanes Fokadiuno, nandoo mugauno Hintu anabii Elia, tamaka nandoo dua mugauno anabii Yeremia tawa seemie anabii sigaoꞌano.”

Yohanes 9:17

Pada aitu dopugaumo toha ne mie kabunto saꞌituini ambado, “Ane fekihimu hintu, laꞌae mie amaitu, ingka padamo nofekantalea matamu?” Notobhoosimo, “Anoa seemie anabii.”

Yohanes 7:40

Seemie hodua ne olotando mie bhahi metingkeno pugauno maitu, dopugaumo ambado, “Anoa ini kotu-kotuꞌumo o anabii so humatono neanta-antagintoomu itu.”

Yohanes 6:14

Dowoha kaowu tanda timenteꞌaono nehabuno Yesus maitu, dopugaumo mie bhahi ambado, “Kotu-kotuꞌu Anoa ini anabii ⸤ nepodhandiꞌao weo Kitabi⸥ so humatono we dhunia ini.”

Yohanes 1:25

Andoa ini dofeenamo ne Yohanes ambado, “Ane hintu suano Mesias Omputo Fosalamatino, suano anabii Elia, suano dua anabii neanta-antagi, noafa dua fokadiuꞌao?”

Yohanes 1:21

Ambado toha, “Ane peda naꞌa, laꞌae gahaꞌa hintu ini? Bhahaa anabii Elia?” Tamaka Yohanes notobhoosi ambano, “Suano.” Ambado dua, “Hintumo bhahaa anabii neanta-antagi?” Ambano, “Suano.”

Lukas 9:19

Dotobhoosimo ambado, “Nandoo kumonako Yohanes Fokadiuno, nandoo kumonako dua anabii Elia, tamaka nandoo dua mugauno seemie anabii dhamani wawono suli nodadi.”

Lukas 9:8

Nandoo dua mugauno anabii Elia nofenduamo dua notiumba, maka nandoo dua mugauno putae seemie anabii ne dhamani wawono suli nodadi.

Lukas 7:39

Nowoha aitu, mieno Farisi bhasino Yesus naꞌa nokomuntumo we lalono, “Ane anoa ini kotu-kotuꞌu seemie anabii, tetewei namandeꞌaane laꞌae hobhine dumampasie ini, peda ae podiuno, ingka o mie kodhosa.”

Lukas 7:16

Kosasawindo mie bhahi doteꞌimo bhe dopudhi Lahataꞌala ambado, “Seemie anabii bhalano notiumbamo ne wunta-wuntantoomu. Lahataꞌala nodongawimo umatino natumulumida.”

Lukas 1:17

Anoa namaꞌinduluki Ompu, rohino bhe kuasano napototo bhe anabii Elia. Namodoli lalondo kamungkula ne anaꞌindo bhe namodoli totono lalondo mie pata meangkano ne fekihindo mie banara. Nadamo naꞌa naefontaa-ntaa umati mantasiꞌano so tumahimano Ompu.”

Markus 6:16

Nofetingke peda naꞌa, Herodes nopugaumo, “Suano, mie anaꞌa teteweimo Yohanes Fokadiuno. Anoa itu padamo atompee wuꞌuno, gahaꞌa nodadimo toha!”