33 Nopandeꞌaane kaowu noꞌosamo, hobhine aitu nofotiumba wutono, tamaka nohengkue kateꞌino. Notaohaomo sombano ne wiseno Yesus maka netula-tulaꞌao kosasawiꞌae kumadhadhiaꞌano ne uluno.
Nopandeꞌaomo lalono gahaꞌa habuno maitu notipandeꞌaomo, hobhine maitu nodhulu te wise nogugue kateꞌino. Lasao nosudhu notaohao sombano ne Yesus maka netula-tula ne mie bhahi noafa katidingkuꞌano Yesus bhe peda amai tanosimoꞌosaꞌamo.
Maria nokohedu nofetingke peda naꞌa, sampe nofeena totono lalono, bhahaa o ae maꞌanano kafeabha anaꞌa.
Nowoha peda maitu Zakaria nokohedu bhe noteꞌi.
Maka andoa doteꞌi sepaliꞌa bhe dopugau sapada-pada andoa ambado “Laꞌae bhahaa anoa ini? Mahingga o kawea bhe teꞌi doangkafi pahintano!”
Tamaka Yesus nofolili matano noꞌondofi laꞌae dumingkue.
Ambano Yesus ne hobhine aitu, “Waꞌina, hampano kaparasaeamu ne Idi, moꞌosamo. Sulimo, netaamo namisimu, moꞌosamo kansuhu itua.”