Markus 3:8 - Muna Southern Dialect

⁸ maiꞌaono we Yerusalem, maiꞌaono we kadieno Idumea, maiꞌaono we sewetano umeleno Yordan, bhe maiꞌaono dua we kadieno Tirus bhe Sidon. Kahatoꞌando mie bhahi ini, mbaꞌinomo dofetingke sabhaha giu nehabuno Yesus.

Markus 3:8 Referans Kwoze

Matius 11:21

Ambano, “Balaamo hintu liwuno Korasim! Balaamo dua hintu liwuno Betsaida! Ane endefiꞌini we kotano Tirus bhe Sidon nakumadhadhia tanda-tanda tapa mentela newohamiu ini, tetewei nomponamo dadumoli ne Lahataꞌala, daepake bhida bhe daetei abu te fotundo ⸤ peda katandaino dososoꞌao dhosando⸥ .

Markus 7:24

Maka nomaiꞌao ne itu Yesus nohope we kadieno Tirus bhe Sidon. Sahatono nopesuamo ne seꞌonu lambu mbaꞌinomo nongahe hatono maitu damandeꞌaane miendo liwu, gahaꞌa miina sepaliꞌa natifebunia.

Markus 7:31

Nopalusi anaꞌa Yesus nohunsamo kadieno Tirus noangka we Sidon nohope we teꞌino Galilea. Noangkai dua kadieno Dekapolis.

Matius 4:25

Mie bhahi dosipumpu doangkafie. Nandoo maiꞌaono we kadieno Galilea bhe Dekapolis, maiꞌaono we Yerusalem bhe we Yudea bhe maiꞌaono we sewetano umeleno Yordan.

Lukas 6:17

Pada aitu dosisampu-sampuꞌamo maiꞌao te kabhawo maka dofetumpu we potateꞌano. Ne itu dobhahi sepaliꞌa mie mangkafie dohompumo bhe dobhahi dua mie sigaoꞌano. Andoa maitu domaiꞌao ne kosekaꞌewaꞌae kadieno Yudea, domaiꞌao we Yerusalem, bhe domaiꞌao dua we kadieno Tirus bhe Sidon we wiwino teꞌi.