Markus 2:17 - Muna Southern Dialect

¹⁷ Yesus nofetingkeda, maka nopugau ne andoa ambano, “Mie metaano namisi miina naefaraluu foagono, mpahinomo mie mosaki. Pedamo dua Idi, hatoku ini miina aeꞌondofi mie mongkilono, tamaka aeꞌondofi mie kodhosano.”

Markus 2:17 Referans Kwoze

Lukas 15:7

Amohatokoomu, nadamo dua anaꞌa te surugaa daoꞌia hampano seemie kodhosa metompaꞌaono dhosano, nalumiuꞌe kaꞌiando mbaꞌinomo mie banara siua fulu sisiuano tapa maraluuno dametompaꞌao dhosando.”

Lukas 19:10

Kapaꞌamo Anano Manusia - Idimo ini - nomai naꞌumondofi bhe namosalamati mie kolilinono totono lalo.”

Yohanes 9:40

Pugauno Yesus naꞌa dofetingkee dua seemie hodua miendo Farisi ne itu. Dofeenamo ne Yesus ambado, “Patudhumu insaodi taobunto dua gahaꞌa?”

Lukas 15:10

Amohatokoomu, nadamo dua anaꞌa malaꞌekatino Lahataꞌala daoꞌia hampano seemie kodhosa metompaꞌaono dhosano.”

Lukas 15:29

Tamaka tanotobhoosi ne amano ambano, ‘Ingka ntini taꞌu-taꞌumo afeompuniꞌiko, bhe nasepaku miina alumempagi pahintamu. Tamaka bhe naseꞌulu anano membe miina maꞌa kanau so ahumame-hameꞌao bhe sabhangkaꞌiku.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

Tula-tulando rasulu 20:21

Namiendo Yahudi namiendo liwu sigaoꞌano sadhia afodhagada, bhahaꞌi kaowu dametompaꞌao dhosando, dadumoli ne Lahataꞌala bhe damarasaea ne Ompu Yesus Kristus.

Lukas 16:15

Nopugaumo Yesus ne andoa ambano, “Hintimiu ini fotiwoha wutomiu ne wisendo manusia peda mie banara, tamaka Lahataꞌala nopandeꞌaane totono lalomiu. Kapaꞌamo diu nekonando manusia foliunomo kakesa, nobansie Lahataꞌala.

Matius 18:10

Tandaiꞌeomu, koe pisakidaa mie mohobu pedando ini, kapaꞌamo malaꞌekati dhumaganida sadhia dopowise bhe Amaku te surugaa.

Tula-tulando rasulu 26:20

Mentalea-mentalea afohatoda, o mie tabeano dametompaꞌao podiu modaindo maka dadumoli ne Lahataꞌala. Pakade daehabu podiu posahataaꞌano bhe fetompando maitu. Nepugauꞌaoku ini kabhao-bhaono afohato miendo Yahudi we kotano Damsyik maka we Yerusalem bhe kosekaꞌewaꞌae kadieno Yudea. Pada anaꞌa afohatomo dua mie suano Yahudi.

Yohanes 9:34

Dotobhoosimo ambado, “Hintu ini lente weo dhosa, maka patudhumu moinaꞌu kainsami gahaꞌa?” Pada aitu dogihasiemo, miinamo naembali namesua weo lambu kasambaheaꞌa.