Markus 16:18 - Muna Southern Dialect

¹⁸ Ane daeintaha ule bhahaꞌi daohoꞌu hasu, pae daeꞌawa balaa. Ane datumei limando te wawono mie mosaki, mosakino aitu naoꞌosa.”

Markus 16:18 Referans Kwoze

Lukas 10:19

Ingka padamo awaꞌangkoomu kuasa so mefindaꞌiꞌaoꞌomu ule bhe sabhaha kaꞌuhi kobisa. Awaꞌangkoomu dua kapooli so tumaloꞌaoꞌomu kuasano kaewamiu sampe paise bhe so kobalaaꞌano ne wutomiu.

Tula-tulando rasulu 19:12

Mahinggamo tadowowoꞌo kakamasi tawa kabhini nepakeno Paulus maka doteiꞌe te wawondo mie mosaki, doꞌosaanemo. Sakindo tanosimiinaeꞌamo, o seetani dopuli dolimba.

Tula-tulando rasulu 4:30

Fosampu kainsami kabarakatimu so daoꞌosaꞌao mie mosaki bhe fotiwoha giu timenteꞌaono bhe tanda tapa mentela weo neano Yesus palima-limamu mongkilono.”

Tula-tulando rasulu 3:16

Aitu wohaeꞌomu kadhadhia ne kalu aini. Anoa noꞌosamo hampano kaparasaea weo neano Yesus. Kaparasaeano ne neano Yesus mekaꞌosano mie nepandeꞌaomiu ini. Ingka wohaeꞌomu kosasawimiu.

Tula-tulando rasulu 9:34

Ambano Petrus, “Eneas, aitu Yesus Kristus nofekaꞌosako, wanuꞌo toha maka fosintuwu kaodoꞌamu!” Eneas lasao nowanu.

Tula-tulando rasulu 3:12

Nowoha mie bhahi maitu Petrus nopugaumo ambano, “Miendo Israel, noafa menteaneomu kadhadhia aini? Noafa ondo-ondo kainsamiomu, kao-kaomo mie aini kapooliꞌano nokala mbaꞌinomo insaodi ini mie kokuasano tawa mie lumebe?

Markus 5:23

bhe nesalo mpuu ambano, “Anaku hobhine nosaohi sepaliꞌa sakino, ane naembali mai teiane limamu te wawono, noꞌosaꞌao, keana nomate.”

Roma 16:20

Lahataꞌala kamaiꞌaoꞌano katohopono dadi, napikifolongko Kafeompuꞌando seetani ne wawono aꞌemiu bhe namobinasae. Sio-siomo kabarakatino Yesus Ompuntoomu sadhia napobhaiangkoomu.

1 Korintus 12:9

Seemieno nowaꞌane kapooli foliuno kamatangka kaparasaeano, o Rohimo dua aitu fowaꞌaono. Seemieno nowaꞌane kapooli naefekaꞌosa mie mosaki, o Rohimo dua anaꞌa fowaꞌaono.

Tula-tulando rasulu 4:10

Dadiꞌanomo hintimiu bhe kosasawindo miendo Israel tabeano mandeꞌaaneomu putae mie aini noꞌosamo bhe neehe-ehe ne wisemiu ini, mbaꞌinomo kuasano neano Yesus Kristus, miendo Nasaret maitu. Hintimiu kantaiꞌeomu te sau salipu, tamaka Lahataꞌala nofowanue maiꞌao ne mate.

Tula-tulando rasulu 4:22

Umuhuno mie kalu nefekaꞌosa weo kadhadhia timenteꞌaono naꞌa, nokolabhimo fato fulu taꞌu.