Markus 15:32 - Muna Southern Dialect

³² Naetaa Mesias, Omputo Israel Fosalamatino maitu, nasumampumo namaiꞌao te sau salipu, dowohaꞌao bhe doparasaeaꞌao.” Mahingga mie hoduano tisalipuno ne sohihino dowambakie dua.

Markus 15:32 Referans Kwoze

Matius 27:44

Mahingga mie modai hoduano tisalipuno ne sohihino dowambakie dua.

2 Timotius 2:18

Andoa dopingkamo maiꞌao ne kabanara, kapaꞌamo dofofoinaꞌu putae kawanuꞌando mie mate ingka nokadhadhiamo, sampe dedai-daimo kaparasaendo mie.

Matius 1:17

Dadiꞌanomo kosasawindo siwulu anaꞌa peda aini: ompulu fato sampuꞌa nomaiꞌao ne Abraham ampa ne Daud, ompulu fato sampuꞌa nomaiꞌao ne Daud ampa katiꞌohoꞌando we Babel, ompulu fato sampuꞌa nomaiꞌao ne katiꞌohoꞌando we Babel ampa ne Kristus.

Roma 3:3

Tamaka peda aꞌe bhahaa? Ingka nandoo miendo Yahudi tapa marasaeano bhe tapa tumaino lalo ne Lahataꞌala. Bhahaa pata kaparasaeando bhe kataino lalondo naꞌa namosali dua kataino lalono Lahataꞌala?

Yohanes 12:13

Andoa lasao dealaꞌi hoono potubu maka dokala dosumpuiꞌe bhe dekei-kei ambado, “Hosana, pudhi kaitaomu Lahataꞌala. Notibarakati maino weo neano Ompu, notibarakati Omputo miendo Israel.”

Yohanes 1:49

Ambano Natanael, “Guru, Hintu Anano Lahataꞌala, Hintumo Omputono Israel.”

Markus 15:26

Tingkuno katisalipuꞌano dobuhie maka dofopikae te salipuno. Kabuhino peda ini, “ Omputo miendo Yahudi”.

Matius 27:42

“Mie sigaoꞌano nofosalamatida, gahaꞌaitu wutono miina namooliea. Ingka anoamo itu omputono Israel, naetaa nasumampu maiꞌao te sau salipu tamarasaeaꞌao dua bhe insaodi.

Markus 15:27

Nandoo dua dohodua mie modai nekantaindo te sau salipu, seemie ne kemano, seemie ne suanano.