Markus 14:65 - Muna Southern Dialect

⁶⁵ Pada aitu sigaꞌa dokapehasiemo, dodampu matano maka dotumbusie poowa dofeenae ambado, “O anabii, soba bhoto notumbuko laꞌae!” Sampe mie dhumagano detofalimo dua.

Markus 14:65 Referans Kwoze

Tula-tulando rasulu 23:2

Tamaka Imamu Bhalano koneaꞌano Ananias notudu meehe-eheno ne owano Paulus dabhantofa wobhano.

Yohanes 19:3

Poowa dodhulupie dopugaumo ambado, “Somba Waompu, omputo miendo Yahudi!” bhe dobhantofae.

Yohanes 18:22

Pada nopugau peda naꞌa seemie dhagano kamali meehe-eheno ne itu lasao nobhantofa Yesus bhe nopugau ambano, “Gahaꞌa peda itu pugau bhe Imamu Bhalano?”

Markus 15:19

Fotuno dohambisiane wulu, dokapehasie bhe dosudhu ne wiseno dotaohao sombado.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Markus 10:34

Andoa naꞌa damele-elee, dakumapehasie, dahumambisiane habuta maka damongkoe. Tamaka ne katolu oleono nadumadimo toha.”

Matius 27:30

Dokapehasie poowa doala wulu naꞌa maka dohambie ne fotuno. Pada doele-elee peda naꞌa, dhuba wungo dolembiemo maka suli dofokanaane pakeano wutono.