Markus 14:61 - Muna Southern Dialect

⁶¹ Tamaka Yesus miina nakodiua, miina sepaliꞌa natumobhoosia. Imamu Bhalano maitu nofendua nofeenae ambano, “Nokotuꞌu hintumo ini Mesias, anano Lahataꞌala tipudhino?”

Markus 14:61 Referans Kwoze

Markus 15:2

Pilatus nofeenae ambano, “Nokotuꞌu hintu inia omputo miendo Yahudi?” “Pedamo pugaumu naꞌa,” ambano Yesus.

Yohanes 19:7

Ambado miendo Yahudi, “Insaodi bhe tubhono agama mani; ane damangkafi tubho anaꞌa, tetewei namate mbaꞌinomo nokona wutono Anano Lahataꞌala.”

1 Petrus 2:23

Ane dofeꞌawutie, anoa miina nafofeꞌawuti. Wakutuuno dofodee-deeꞌe, miina nafonantiꞌao, tangkanomo bhahi-bhahiꞌae nofosipulie ne Lahataꞌala, Fobhitahakino umadhilino.

Yohanes 10:36

noafaꞌao dua ambamiu afekaꞌaebu Lahataꞌala mbaꞌinomo akona wutoku Anano Lahataꞌala? Gahaꞌaitumo Idimo nefopoolino Amaku bhe netuduno we dhunia ini.

Yohanes 1:34

Idi awohaꞌaomo wuntano mataku, dadiꞌanomo asakusiiane Anoamo ini Anano Lahataꞌala.”

Matius 16:16

Notobhoosimo Simon Petrus ambano, “Hintumo Mesias, Omputo Fosalamatino, Anano Lahataꞌala dumadino ⸤ suhue dhamani⸥ .”

Matius 8:29

Andoa dopokakei-kei ambado, “Anano Lahataꞌala, mai mafaꞌi kainsami gahaꞌa? Patudhumu maimo modee-dee kainsami, mahingga paeꞌo nahumato tempono?”

Matius 3:17

Tanotifetingkemo dua suaha nomaiꞌao te lani ambano, “Ainimo Anaku timoasiꞌaono, neposahasiꞌaono laloku.”

1 Timotius 6:15

Kahatoꞌano naꞌa nakoꞌula ne tempo toka nefotantuno wutono Lahataꞌala. Anoamo Kaseemie-mieꞌano kokuasano, foliuno kakalabhia, kolakindomo sabhaha kolaki, kafeompuꞌandomo sabhaha kafeompuꞌa.

1 Timotius 1:11

Kafoinaꞌu anaꞌa nopoangkafi bhe Bhihita Metaa maiꞌaono ne Lahataꞌala, kumalabhiano bhe mantasiꞌano damosibhalae. Bhihita Metaa ainimo nefoposahunaꞌaono Lahataꞌala ne idi so amolele.

Tula-tulando rasulu 8:32

Aeatino Kitabi nebasano naꞌa peda aini, “Pedamo seꞌulu dhumba doowae se kaesumbeleꞌa kadadi; kabeanga anano dhumba miina nakodiu ne wisendo mie kumuhuno wuluno, pedamo anaꞌa anoa miina nakosuahaꞌa.

Yohanes 19:9

Nopesuamo toha weo kamali bhe nopugau ambano, “Maiꞌao ne amai gahaꞌa?” Tamaka Yesus miina natumobhoosiea.

Yohanes 18:37

Ambano dua Pilatus, “Gahaꞌa nokotuꞌu hintu ini omputo?” Ambano Yesus, “Ingka ambamu hintu Idi ini omputo. Patudhuno kalenteꞌaku bhe kahatoꞌaku ne dhunia ini, asumakusiiꞌao kabanara. Sasuka mie tumaino ne kabanara, nametingke suahaku.”

Yohanes 10:24

Miendo Yahudi dolibue bhe dopugau ambado, “Tana seꞌae kaomponanoa kumataho kainsami tapoibhaha peda ini? Ane hintumo ini Mesias Omputo Fosalamatino fohato kainsami mentalea-mentalea.”

Markus 14:60

Nopalusi anaꞌa noehemo Imamu Bhalano ne wunta-wuntando, maka nofeena Yesus ambano, “Pae tumobhoosiea gahaꞌa kasangkatindo ne hintu ini?”