Markus 14:58 - Muna Southern Dialect

⁵⁸ “Insaodi padamo tafetingkee nopugau, ‘Ahumunggae lambuno Lahataꞌala kahabuꞌando manusia ini, maka natolu oleo aefoehemo sigaoꞌano, suano kahabuꞌando manusia.’ ”

Markus 14:58 Referans Kwoze

Ibrani 9:11

Tamaka Kristus padamo nomai peda seemie Imamu Bhalano meowano sabhaha metaaꞌano toka ndumandoono. Padamo nolempagie Tenda kaeateꞌano Lahataꞌala, noliuꞌe kasangkano bhe kakalabhiano ⸤ bhe tenda we dhunia ini⸥ . Tenda amaitu ingka suano kahabundo manusia, maꞌanano miina natilentu ne dhunia nefokonandoono ini.

2 Korintus 5:1

Kapaꞌamo tapandeꞌaane, mada kaowu dahumungga kadempo kaeateꞌantoomu ne dhunia ini ⸤ maꞌanano mbadha kasarantoomu⸥ , Lahataꞌala nofofontaa-ntaaꞌao lambu te surugaa so kaeateꞌa suhue dhamani. Kaeateꞌa anaꞌa miina dahumabue limando manusia.

Yohanes 2:19

Yesus notobhoosida ambano, “Hunggaeꞌomu Lambuno Lahataꞌala ini maka namooli tolu oleo atumokaemo dua amoehee.”

Ibrani 9:24

Kapaꞌamo Kristus miina namesua weo Boloku Foliuno Kangkilo nehabundo manusia, membalino kaowu sandahano Boloku Foliuno Kangkilo sakotuꞌuno ⸤ te surugaa⸥ , tamaka Kristus nopesuamo te puuno surugaa, ampa aitu nofewise ne Lahataꞌala so sabhaha kafaraluuntoomu.

Tula-tulando rasulu 7:48

Ampamo Lahataꞌala Foliuno Kuasa miina naeate ne lambu kahabundo manusia, peda tibuhiꞌano weo Kitabindo anabii,

Markus 15:29

Mie lumalono ne itu doꞌumbue bhe dofoule-ule fotundo ambado, “Alee, hintumo ini gahaꞌa so humunggano Lambuno Lahataꞌala maka ne katolu oleono moeheemo toha!

Matius 26:61

ambado, “Mie aini nopugau namondoiꞌe nahumungga Lambuno Lahataꞌala, maka ne katolu oleono namooliemo dua namoehee.”

Markus 14:57

Pada anaꞌa doehemo dua seemie hodua maka depaha-paha dosangkatie ambado,

Markus 14:59

Mahinggamo peda naꞌa pugaundo daa-daaꞌe miina napokanti-kantibhaa.