Markus 14:49 - Muna Southern Dialect

⁴⁹ Ingka seꞌo-seꞌoleo afofoinaꞌu weo Lambuno Lahataꞌala ne wisemiu, tamaka miina humako kanauꞌomu. Kapedaꞌano naꞌa somo nakoꞌulaꞌao tibuhino weo Kitabino anabii.”

Markus 14:49 Referans Kwoze

Yohanes 18:20

Yesus notobhoosimo ambano, “Idi sadhia apugau mentalea-mentalea ne dhunia, afofoinaꞌu ne lambu-lambu kasambaheaꞌa bhe ne Lambuno Lahataꞌala kapofoꞌo-foꞌonuꞌando kosasawindo miendo Yahudi. Miina sepaliꞌa apugau mpebuni.

Yohanes 8:2

Same-samentaeno nohatomo toha we Lambuno Lahataꞌala. Kosasawindo raꞌeati domai se Anoa, dadiꞌanomo nengkohamo maka nofoinaꞌuda.

Lukas 22:37

Kapaꞌamo amohatokoomu, aeatino Kitabi tetewei nakoꞌulamo ne Idi peda ini, ‘Anoa notilentu mie modai.’ Hampano sabhaha tibuhino mulaoꞌaono Idi napikikoꞌulamo.”

Markus 12:35

Sepaku tangasano nofofoinaꞌu weo Lambuno Lahataꞌala, Yesus nofeenamo ambano, “Noafa gahaꞌa pande-pande Kitabi dokonaꞌao Mesias sampuꞌano Daud?

Matius 26:56

Ampamo kaowu kosasawiꞌae ini nokadhadhia so nokoꞌulaꞌao tibuhiꞌano weo Kitabindo ana-anabii.” Pada aitu kosasawindo anaguhuꞌino dofileimo tadohunsae nomoisa.

Matius 26:54

Taꞌampamo kaowu ane nada naꞌa, ingka pae nakoꞌulaa tibuhiꞌano weo Kitabindo anabii putae tetewei nakumadhadhia peda aini.”

Matius 1:22

Aini nokadhadhia mbali nokoꞌulaꞌao bhoasaono Ompu nefosampeno anabii peda aini,

Yohanes 10:23

Yesus nekala-kala weo kadeteno Lambuno Lahataꞌala, we tambi bhalano nekonando Tambino Salomo.

Yohanes 8:12

Nopugaumo dua Yesus ne mie bhahi ambano, “Idimo ini tilangano dhunia, sasuka mangkafi kanau paise naekala-kala weo kahohondo, tamaka naeꞌawa tilanga meowano dadi.”

Yohanes 7:37

Ne oleo kapuliaono hohaeaꞌa naꞌa, matanomo hohaeaꞌa, Yesus noehemo bhe nopugau nofekabhala-bhala suahano, “Sasuka mokekeleno wuꞌu naetaa namai ne Idi maka naohoꞌu!

Lukas 19:47

Seꞌo-seꞌoleo Yesus nofofoinaꞌu weo Lambuno Lahataꞌala. Neangkaꞌindo imamu, pande-pande Kitabi bhe neangkaꞌindo miendo Yahudi deꞌondofi akala damongkoe.

Markus 11:27

Yesus bhe anaguhuꞌino dohatomo toha we Yerusalem. Tangasano Yesus nekala-kala ne kadeteno Lambuno Lahataꞌala, gahaꞌa domaiꞌiemo neangkaꞌindo imamu, pande-pande Kitabi bhe kamungkulaꞌi.

Matius 26:55

Pada aitu Yesus nopugau ne mie bhahi ambano, “Kona kanauꞌomu mie modai gahaꞌa sampe metaguomu kampue bhe kawangku maka humako kanauꞌomua? Ingka seꞌo-seꞌoleo aengkoha-ngkoha afofoinaꞌu weo Lambuno Lahataꞌala, tamaka miina humako kanauꞌomu.

Markus 10:1

Nomaiꞌao ne itu Yesus nokalamo we kadieno Yudea bhe kadie we sewetano umeleno Yordan. Mie bhahi domaimo toha dolibue. Peda kaneano, Yesus nofoinaꞌudamo toha.

Markus 14:48

Yesus nofeenadamo ambano, “Kona kanauꞌomu mie modai gahaꞌa? Noafa gahaꞌa tabeano metaguomu kampue bhe kawangku maka humako kanauꞌomu?

Markus 14:50

Pada aitu anaguhuꞌino dopuli dofilei, dohunsae tanomoisa.