Markus 14:36 - Muna Southern Dialect

³⁶ Ambano, “O Aba, Amaku, sanea membaliꞌano so Hintu. Fogampi kanau kampohoꞌuꞌa so kafohoꞌuꞌaku ini. Ampamo kaowu koise angkafi kapoindalokua, tamaka taꞌampamo kapoindalomu.”

Markus 14:36 Referans Kwoze

Galatia 4:6

Hampano ingka dembalimoomu anaꞌino, Lahataꞌala notudumo Rohino Anano naeate weo totono lalontoomu. Rohi ainimo mekatondalano bhe mokoamano ne Lahataꞌala.

Yohanes 5:30

Idi miina akonipoolia maiꞌao ne kuasaku Wutoku, Idi afobhotusi noposahataa bhe nefetingkeku ne Amaku. Kabhotusiku noꞌadhili kapaꞌamo miina amangkafi kapoindaloku Wutoku, tamaka kapoindalono Tumudu kanau.

2 Timotius 2:13

ane miina natumai lalontoomu ne Anoa, Anoa sadaa-daa kataino lalo ne bhoasaono, kapaꞌamo pae bhe kapoolia nagumagai Wutono.

Yohanes 12:27

Aitu nosabha handaku. Miina amandeꞌaanea apugauꞌao ae bhahaa. Ane apugau, ‘Ama, folapa kanau ne tempono kakadee-dee aini’, tamaka ingka kamaiꞌaku anumamisi kakadee-dee aini.

Titus 1:2

Kafoinaꞌu aini nengkoha ne posahunaꞌaontoomu daeꞌawa dadi suhue dhamani. Dadi anaꞌa padamo nofodhandiane Lahataꞌala mpini miinaꞌo natifokonandoo dhunia. Ingka Lahataꞌala miina bhe kapooli nakopahaa.

Filipi 2:8

Anoa nofekapanda Wutono, neangka mpuu ne Lahataꞌala, sampe mate, nomate te sau salipu.

Yohanes 18:11

Nopugaumo Yesus ne Petrus ambano, “Pusoloe kampuemu itu! Ingka tetewei Idi aohoꞌu ne kampohoꞌuꞌa kawaꞌaono Amaku.”

Markus 10:27

Yesus noꞌondodamo bhe nopugau, “Uumbe daanumo, so manusia pae bhe kapoolia nakumadhadhiaꞌa peda amaitu, tamaka so Lahataꞌala miina bhe pata nemondoino.”

Yohanes 4:34

Ambano Yesus ne andoa, “Aangkafi kapoindalono Tumudu kanau bhe amotoka kahadhaano, aitumo oti nehumaaku.

Matius 26:39

Yesus nopansuhu seendai te wise maka nolongko ne wite nosambahea ambano, “Ama, ane naembali fogampi kanaꞌe kasabha so netompaloiku itu, ampamo kaowu koise angkafi kapoindaloku tamaka taꞌampamo kapoindalomu.”

Matius 6:9

Dadiꞌanomo sambaheaꞌomu nada aini, ‘Ama mani te surugaa, notifosibhalaꞌo toha neamu.

Ibrani 6:18

Haa hondano ini paise natibhaliia, kapaꞌamo Lahataꞌala pae bhe kapoolia nagumau-gau podhandino bhe fematano naꞌa. Kanandooꞌanomo intaodiomu meoluno ne Lahataꞌala daeꞌawa katangkano lalo so damintahakiꞌao kaposahunaꞌao kumantaa-ntaano te wisentoomu.

Matius 26:42

Fendua toha nokala nosambahea ambano, “Ama, ane kasabha aini pae naembali mogampie, tamaka tetewei atumompaloiꞌe, taꞌampamo kapoindalomu so kumadhadhiaꞌano.”

Markus 14:37

Pada anaꞌa nosulimo se anaguhuꞌino, gahaꞌa nohatofida doodomo. Nopugaumo ne Petrus ambano, “Simon, moodo gahaꞌa? Pae tumahamiea bhahaa mekamboto nasedhamua?

Markus 10:39

“Tamondoiꞌe,” ambado. Yesus nopugaumo toha ne andoa, ambano, “Uumbe daanumo, mohoꞌuomu ne kampohoꞌuꞌaku bhe dakumadiangkoomu oe kakadiuku.