Markus 14:33 - Muna Southern Dialect

³³ Petrus, Yakobus bhe Yohanes nosaliꞌida damangkafie. Notandamo ne itu nosabha sepaliꞌa bhe nokakenda-kenda handano.

Markus 14:33 Referans Kwoze

Lukas 22:44

Yesus nomahasai sepaliꞌa lalono maka sadhulu-dhulu kakampuu-mpuu nosambahea. Antino tapedamo hea nobubuka nopotuhu ne wite.

Ibrani 5:7

Weo dadino peda seemie manusia, Yesus padamo nefoampe sambahea bhe kamesalo ne Lahataꞌala poowa nokei nopontuhufi bhe luuno, ingka Lahataꞌala kokuasano mosalamatie maiꞌao ne mate. Hampano kalebeno dadino, Lahataꞌala nofetingkee.

Markus 5:37

Yesus nopansuhumo, tamaka mie bhahi noꞌeleꞌaanda damangkafie, mpahinomo Petrus, Yakobus bhe Yohanes, kakutaꞌano Yakobus.

Markus 9:2

Nopalusi nomo oleo, Yesus noowamo Petrus, Yakobus bhe Yohanes dofoni te kabhawo melangkeꞌano. Ne itu domoisa kaowu. Gahaꞌa Yesus notibhaliimo wohaꞌano ne wisendo.

Markus 9:15

Nelaa dowoha Yesus, mie bhahi naꞌa domente, lasao dotende dosumpuiꞌe.

Markus 16:5

Nelaa dopesua weo liano kobuhu naꞌa, dowohamo seemie anaꞌi moꞌane nepake dhuba kapute, nengkoha-ngkoha humanda we suana. Andoa dokohedu sepaliꞌa.

Markus 16:6

Tamaka ambano mie naꞌa, “Koe moteꞌiomua! Apandeꞌaanemo ingka ondofiomu Yesus miendo Nasaret, tikantaino te sau salipu. Miinamo bhe Anoa ne ini, nowanumo! Ondoeꞌomu katifondoleꞌano ini!