Markus 14:18 - Muna Southern Dialect

¹⁸ Tangasano dengkoha-ngkoha dohumaa, Yesus nopugaumo ambano, “Amohatokoomu! Naseemie ne olotamiu momaano bhe Idi ini, namowa kanau ne limando kaewa.”

Markus 14:18 Referans Kwoze

Yohanes 6:70

Notobhoosimo Yesus ambano, “Ingka Idimo ini milikoomu koompulu hoduamiu itu, tamaka seemie ne olotamiu itu seetani.”

Yohanes 6:47

Amohatokoomu, kotu-kotuꞌu sasuka marasaeano neꞌawamo dadi suhue dhamani.

Yohanes 13:38

Notobhoosimo Yesus, “Hintu momate kanau? Kotu-kotuꞌu amohatoko, paeꞌo nakumakuhua manu, natolu pakumo gumaga miina mandeꞌa kanau.”

Yohanes 13:21

Pada nopugau peda naꞌa Yesus nokompeahamo lalono maka nofohatoda mentalea-mentalea ambano, “Amohatokoomu, kotu-kotuꞌu seemie ne olotamiu itu namowa kanau ne limano kaewa.”

Yohanes 6:32

Ambano Yesus, “Amohatokoomu, kotu-kotuꞌu suano anabii Musa maꞌangkoomu roti maiꞌaono te surugaa, tamaka Amaku maꞌangkoomu roti sakotuꞌuꞌano maiꞌaono te surugaa.

Yohanes 6:26

Yesus notobhoosida ambano, “Amohatokoomu, kotu-kotuꞌu hintimiu ondofi kanauꞌomu suano mbaꞌinomo losangiomu maꞌanano tanda timenteꞌaono, tamaka mbaꞌinomo padamo humaaꞌomu roti ampa moweꞌiomu.

Yohanes 5:19

Yesus notobhoosidamo ambano, “Amohatokoomu, kotu-kotuꞌu Anano Lahataꞌala - Idimo ini - miina bhe habu nepoolino maiꞌao ne kuasano Wutono, ane miina naoha deki nohabue Amano. Kapaꞌamo nehabuno Amano, nehabunomo dua Anano.

Yohanes 3:11

Amohatoko, kotu-kotuꞌu insaodi tapugauꞌao kaowu nepandeꞌao mani, bhe tasakusiiꞌao kaowu newoha mani, tamaka hintimiu miina tumahimaeꞌomua.

Yohanes 3:5

Ambano Yesus, “Amohatoko, kotu-kotuꞌu ane seemie pae nalumente maiꞌao ne oe bhe Rohino Lahataꞌala, pae namesua weo Kafopahintaꞌano Lahataꞌala.

Yohanes 3:3

Notobhoosimo Yesus ambano, “Amohatoko, kotu-kotuꞌu ane seemie pae sumuli nalumente, paise naoha Kafopahintaꞌano Lahataꞌala.”

Yohanes 1:51

Pada aitu Yesus nopugaumo dua ambano, “Amohatoko, kotu-kotuꞌu omoha lani namoengka bhe malaꞌekatino Lahataꞌala damoni sumampu ne Anano Manusia.”

Lukas 11:51

Maꞌanano notanda ne katipongkoꞌano Habel ampa ne katipongkoꞌano Zakaria, nepongkondo ne kadeteno Lambuno Lahataꞌala ne olotano medha kaefoampeꞌa bhe Boloku mongkilo. Amohatokoomu dua, kosasawiꞌae kaꞌala naꞌa damotongkuandae mie dhamani aini.

Lukas 4:24

Ambano dua Yesus, “Amohatokoomu, kotu-kotuꞌu miina bhe anabiia nefosibhala ne liwu kamaiꞌaoꞌano.

Markus 14:25

Amohatokoomu! Kotu-kotuꞌu paemo aohoꞌu angguru ampa oleono aohoꞌu angguru buꞌou, weo Kafopahintaꞌano Lahataꞌala.”

Markus 14:9

Amohatokoomu! Kotu-kotuꞌu ne amai maka dua so katifoleleꞌano Bhihita Metaa te dhunia ini, nehabuno hobhine aini sadhia daetula-tulaane dua, somo kafeꞌulaino.”

Markus 10:29

Notobhoosimo Yesus, ambano, “Amohatokoomu! Kotu-kotuꞌu ane dohunsa lambudo, bhahitieꞌindo, inando, anaꞌindo bhahaꞌi kaampondo hampano doangkafi Idi bhe Bhihita Metaa, nandoo so neꞌawando.

Markus 10:15

Amohatokoomu, kotu-kotuꞌu ane pae datumahima Lahataꞌala so mahintangino dadindo nameda anaꞌi kahobu, pae naembalia damesua weo Kafopahintaꞌano Lahataꞌala.”

Markus 9:41

Amohatokoomu inia, kotu-kotuꞌu o mie maꞌangkoomu oe kafohoꞌu mbaꞌinomo hintimiu anaguhuꞌino Mesias, Omputo Fosalamatino, tetewei naetaa dawuano.”

Markus 9:1

Ambano toha, “Amohatokoomu, kotu-kotuꞌu ne olotamiu ini nandoo so pataꞌo mateno, ane pae kadeki daoha Kafopahintaꞌano Lahataꞌala nahumato bhe kuasano.”

Markus 8:12

Pada nokaꞌuu we lalono, Yesus notobhoosidamo ambano, “Noafa gahaꞌa mie dhamani aini desaloꞌao tanda timenteꞌaono? Amohatokoomu, paise! Pae sepaliꞌa aehabuanda tanda kamesalondo.”

Markus 6:11

Tamaka ane humatoomu ne seꞌonu liwu, maka mieno liwu aitu pae datumahimakoomu, dongahe dametingkekoomu, hunsaeꞌomu liwu aitua. Mahingga bungahasi ne handano aꞌemiu tantaeꞌomu, somo tandano kafodhagando.”

Markus 3:28

Amohatokoomu, kotu-kotuꞌu kosasawiꞌae dhosa bhe sabhaha kafekaꞌaebundo manusia, naembali natiꞌamponi.

Matius 26:21

Tangasano dohumaa nopugaumo ambano, “Amohatokoomu, kotu-kotuꞌu seemie ne olotamiu ini namowa kanau ne limando kaewa.”

Matius 6:5

“Ane sumambaheaꞌomu koe nameda mie mehaaꞌulano. Andoa maitu doasiane dosambahea ngkaehe-ehe weo lambu kasambaheaꞌa bhe ne kampuna defewoha ne mie bhaindo. Amohatokoomu, kotu-kotuꞌu andoa maitu dotahimaemo ponambodo.

Matius 6:2

Dadiꞌanomo ane fowaꞌao sadhakaa koe mefole-folelea, peda nehabundo mie mehaaꞌulano. Andoa ini dohabu peda anaꞌa weo lambu-lambu kasambaheaꞌa tawa ne kaangkaꞌa so dotipudhiꞌao ne mie bhaindo. Amohatokoomu, kotu-kotuꞌu andoa maitu dotahimaemo ponambodoa.

Matius 5:18

Amohatokoomu, kotu-kotuꞌu ane lani bhe dhunia paeꞌo naosalia, bhe nasehorofu tawa setanda tubhono agama Yahudi pae dua bhe so mosaliꞌano, ampa kosasawiꞌae nakoꞌula.

Yohanes 21:18

Amohatoko, kotu-kotuꞌu nandoo kahangkuno dadimu, kamandaꞌao wutomu aamua maka takalamo ampa kapoindalomu. Tamaka nahumato kumamungkula, monsoho limamu dakumatapuangkoe bhaindo maka daowako ne kaeateꞌa tapa nepoindalomu.”

Matius 6:16

“Ane moasaomu koe mengkuru-ngkuruomua peda mie mehaaꞌulano. Andoa maitu dohabu-habue ulando, defewoha ne mie putae dopoasa. Amohatokoomu, kotu-kotuꞌu andoa dotahimaemo ponambodoa.

Markus 14:17

Nohondo oleo, Yesus nohatomo bhe anaguhuꞌino ompulu hoduano.

Markus 14:19

Dofetingke pugauno naꞌa, dosabhamo maka see-seemie dofeenaemo, “O idi bhahaa?”

Lukas 22:21

Tamaka, soba ondoomu, limano mie so mowa kanau ne kaewa, nopobhai kanau ne medha aini.

Yohanes 13:18

Idi apugau miina amulaoꞌao kosasawimiu, kapaꞌamo apandeꞌaanda ndo laꞌae nepiliku. Ampamo kaowu wambano Kitabi aini tetewei nakoꞌula, ‘Mie pombaliꞌaku namewangi kanau.’

Yohanes 13:22

Anaguhuꞌino tadopodoli-dolikimo, kapaꞌamo miina dakototolaloane bhahaꞌi laꞌae nepulaoꞌaono.