Markus 14:1 - Muna Southern Dialect

¹ Hohaeaꞌano Paska bhe hohaeaꞌano Roti Pata Koragiꞌano tana haa oleo. Neangkaꞌindo imamu bhe pande-pande Kitabi dopokanagau deꞌondofi akala dahumako Yesus. Tamaka patudhundo pae damandeꞌaane mie bhahia, maka damongkoe.

Markus 14:1 Referans Kwoze

Yohanes 13:1

Tana seꞌoleo hohaeaꞌano Paska. Yesus nopandeꞌaanemo nohatomo tempono nahumunsa dhunia ini nasumuli te Amano. Anoa noasiꞌao mie mangkafie te dhunia ini, sadaa-daa noasianda ampa we kapuliaono.

Yohanes 11:47

Dadiꞌanomo neangkaꞌindo imamu bhe miendo Farisi dofohompumo Sahano Agama bhe dopugau ambado, “Daeafaꞌimoomu bhahaa? Ingka mie amaitu nobhahi sepaliꞌa nehabu tanda timenteꞌaono.

Matius 12:14

Tamaka miendo Farisi tadolimba maka dopokana-kanagau damongko Yesus.

Matius 6:2

Dadiꞌanomo ane fowaꞌao sadhakaa koe mefole-folelea, peda nehabundo mie mehaaꞌulano. Andoa ini dohabu peda anaꞌa weo lambu-lambu kasambaheaꞌa tawa ne kaangkaꞌa so dotipudhiꞌao ne mie bhaindo. Amohatokoomu, kotu-kotuꞌu andoa maitu dotahimaemo ponambodoa.

Markus 14:2

Dadiꞌanomo ambado, “Koise dohakoeꞌomu ne oleono hohaeaꞌa, bhahaa dohialele raꞌeati.”

Markus 14:12

Nohatomo oleo katandaꞌano hohaeaꞌa Roti Pata Koragiꞌano. Ne oleo anaꞌa kaneando miendo Yahudi desumbele dhumba Paska. Dadiꞌanomo anaguhuꞌino Yesus dofeenamo ambado, “Guru, ne amai bhahaa gaomua taefotoka so dapoharoaꞌao Paska?”

Tula-tulando rasulu 12:4

Notihako kaowu Petrus, Herodes notududamo dotohongkue maka dodhaganie tantara fato tagua, dopopaa-popaa. Patudhuno namalusi hohaeaꞌano Paska nabhitahakie te wisendo mie bhahi.