Markus 13:34 - Muna Southern Dialect

³⁴ Naembali doposandahaane bhe seemie kumalano we koliwuno. Lambuno noposahunaꞌaane mieꞌino. Seemie-seemie bhe takano, dhagano fointo nofohatoe naekamboto, nakodhaga sepaliꞌa.

Markus 13:34 Referans Kwoze

Yohanes 10:3

Tungguno katondo nelengkaane fointo pakade dhumbano dotandaiꞌe suahano. Dhagano dhumba noloꞌoi neando seꞌulu-seꞌulu maka noatoda we simbali.

Kolose 3:24

Ingka pandeꞌaanemo mada kaowu metahimaomu ponambo maiꞌao ne Ompu. Ponambomiu naꞌa o kadawu toka nefontaa-ntaano Ompu so umatino. Kapaꞌamo kafeompuꞌa sakotuꞌuno neꞌondofaomiu ingka wutono Kristus, hintimiu o bhatuano.

1 Korintus 15:58

Dadiꞌanomo, bhahitieꞌiku timoasiꞌaono, fekatangka kofindamiu, koise meando-andoa, sadhia foma-fomaiꞌomu lalomiu weo kahadhaano Ompu! Ingka pandeꞌaaneomu weo kaseꞌisemiu bhe Ompu kawulemiu pae nasumia-siaꞌa.

Matius 16:19

Hintu amaꞌangko kunsino Kafopahintaꞌano Lahataꞌala. O ae so neꞌeleaꞌaomu we dhunia ini, tokamo dua notiꞌeleaꞌao te surugaa. O ae so neꞌundaꞌaomu we dhunia ini, tokamo dua notiꞌundaꞌao te surugaa.”

Powoha 3:7

“Buhie dua so malaꞌekatino umati we Filadelfia: pedamo aini kaowili maiꞌao ne Mie Mongkilo, Mie Banara, mintahano kunsino Daud. Ane nelengka fointo, pae bhe so mooliea daꞌumontoe; pedamo dua ane neꞌonto fointo, pae bhe so mooliea dalumengkae.

Kolose 4:1

Hintimiu membalino kafeompuꞌa, fekaꞌadhili bhe fekalaa lalomu ne bhatuamiu, ingka pandeꞌaaneomu bhe kafeompuꞌamiu dua te surugaa.

Roma 13:6

Ainiꞌaemo dua tingkuno sampe tanduaꞌaoꞌomu sewa, hampano o pamarinta palima-lima meompuno ne Lahataꞌala, mpuu-mpuunino takando maitu.