Markus 12:6 - Muna Southern Dialect

⁶ Pada aitu tamo seemie ndumandoono, anano kamoasiꞌaono sepaliꞌa. Panda-pandano notudumo anano maitu, weo fekihino, ‘Anaku ini tetewei daengatie.’

Markus 12:6 Referans Kwoze

Yohanes 1:34

Idi awohaꞌaomo wuntano mataku, dadiꞌanomo asakusiiane Anoamo ini Anano Lahataꞌala.”

Matius 3:17

Tanotifetingkemo dua suaha nomaiꞌao te lani ambano, “Ainimo Anaku timoasiꞌaono, neposahasiꞌaono laloku.”

1 Yohanes 4:9

Pedamo aini Lahataꞌala nofotiwohamo kanini kaasino ne intaodiomu, ingka notudu Anano kaenseemie nomai we dhunia ini, neanomo namangka ne Anoa daeꞌawaomu dadi.

Ibrani 1:6

Wakutuuno nofopesua Anano titiisa we dhunia ini, nokobhoasao toha ambano, “Kosasawindo malaꞌekatiku tetewei datumaohao sombado ne Anoa.”

Yohanes 5:23

neanomo sabhaha mie damosibhala Anano napototo bhe Amano. Sasuka tapa mosibhalano Anano, anoa miina dua namosibhala Amano tumuduno Anano.

Yohanes 3:35

Amano noasiꞌao Anano sampe kosasawiꞌae kuasa nofopuliemo ne Anano.

Yohanes 1:49

Ambano Natanael, “Guru, Hintu Anano Lahataꞌala, Hintumo Omputono Israel.”

Yohanes 1:18

Bhe naseemie miinaꞌo bhe mohano Lahataꞌala, mpahinomo Ana Kaenseemieno. Anoa ini nopototo bhe wutono Lahataꞌala bhe notai mpuu lalono ne Amano. Anoamo ini motiwohae ne intaodiomu.

Yohanes 1:14

Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

Lukas 9:35

Tanotifetingkemo dua suaha nomaiꞌao weo olu naꞌa ambano, “Ainimo Anaku nepiliku, fetingkeeꞌomu.”

Lukas 3:22

maka Rohino Lahataꞌala nosampu te wawono nokatu futeꞌo. Tanotifetingkemo dua suaha nomaiꞌao te lani, ambano “Hintumo Anaku timoasiꞌaono, Hintumo posahasiꞌaono laloku.”

Markus 9:7

Gahaꞌa nokaolumidamo olu, maka nomaiꞌao weo olu maitu notifetingkemo suaha ambano, “Ainiꞌaemo anaku nemoasiꞌaoku. Fetingkeeꞌomu pugauno.”

Markus 1:11

Notifetingkemo dua suaha nomaiꞌao te lani ambano, “Hintumo Anaku timoasiꞌaono, Hintumo mekaꞌiano laloku.”

Matius 26:63

Tamaka Yesus miina nakodiua. Nopugaumo dua Imamu Bhalano ne Yesus ambano, “Aitu bhe Lahataꞌala foꞌondo-ondono, fohato kainsami, hintumo ini Omputo Fosalamatino Anano Lahataꞌala bhahaꞌi suano!”

Matius 17:5

Tangasano Petrus nopugau, tanosikaolumidamo olu nentalea sepaliꞌa. Nomaiꞌao weo olu naꞌa notifetingkemo suaha ambano, “Ainimo Anaku timoasiꞌaono, neposahasiꞌaono laloku, fetingkeeꞌomu pugauno.”

Matius 11:27

Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.

Matius 1:23

“Kotu-kotuꞌu, seemie kalambe tapaꞌo popandeꞌaono bhe moꞌane nafowoowa maka nakoanaꞌao moꞌane. Anaꞌi aitu dakumonae Imanuel.” (Maꞌanano Imanuel, Lahataꞌala nopobhai kaitaomu).

Markus 12:5

Kokaampono netudumo toha mieno sigaoꞌano, tamaka katudu aitu dopongkoe. Nobhahi dua mieno sigaoꞌano netuduno, tamaka sigaꞌa dohambisida, sigaꞌa dopongkoda.

Markus 12:7

Tamaka dowoha anano maitu, mie kumahadhaano dopugau-gaumo ambado, ‘Ainiꞌaemo so kohakuꞌaono kaampono amano. Dopongkoeꞌanaomu! Hakuno somo intaodiomu.’

3 Yohanes 1:1

Bhahitieku Gayus nemoasiꞌaoku! Suha aini nomaiꞌao ne idi, kamungkula neangkando umati, aoasiangko mpuu.