Markus 12:38 - Muna Southern Dialect

³⁸ Weo kafoinaꞌuno, Yesus nofohatodamo dua ambano, “Kodha-kodhagaomu ne pande-pande Kitabi. Andoa maitu doasiane dekala-kala depake dhuba kawanta, doasiane dua dosombaida weo daoa.

Markus 12:38 Referans Kwoze

Lukas 11:43

Balaamoomu hintimiu miendo Farisi kapaꞌamo weo lambu kasambaheaꞌa moasianeomu sepaliꞌa mengkohaomu ne kaengkohaꞌando kabhala, moasianeomu dua sepaliꞌa dofosibhalakoomu we wuntano daoa.

Matius 6:5

“Ane sumambaheaꞌomu koe nameda mie mehaaꞌulano. Andoa maitu doasiane dosambahea ngkaehe-ehe weo lambu kasambaheaꞌa bhe ne kampuna defewoha ne mie bhaindo. Amohatokoomu, kotu-kotuꞌu andoa maitu dotahimaemo ponambodo.

Markus 4:2

Nobhahi kafoinaꞌuno nepakeanda kapalenda. Ambano peda aini.

Matius 10:17

Ampamo kaowu kodhagaomu ne mie, kapaꞌamo dahumakokoomu bhe damowakoomu ne Sahano Agama. Dahumambisiangkoomu habuta weo lambu kasambaheaꞌando.

3 Yohanes 1:9

Ingka padamo aebuhi suha seendai so umati ne itu, tamaka Diotrefes miina napokihaꞌianea kalentuku, kapaꞌamo gaono naembali neangkando umati.

Markus 12:39

Weo lambu kasambaheaꞌa bhahaꞌi weo kahame andoa sadhia dua dengkoha te wise.