Markus 12:28 - Muna Southern Dialect

²⁸ Nohatomo dua seemie pande Kitabi, nofetingke Yesus nopuga-pugau bhe miendo Saduki. Anoa nopandeꞌaane katobhoosino Yesus maitu nokantibha maka nofeenamo dua, “Kosasawiꞌae pahinta ndumandooꞌano, pahinta medando ae gahaꞌa foliuno kabhalaa?”

Markus 12:28 Referans Kwoze

Lukas 20:39

Dofetingke peda naꞌa pande-pande Kitabi seemie hodua dopugaumo ambado, “Guru, ingka netaa mpuu katobhoosimu naꞌa.”

Matius 19:18

Ambano mie anaꞌa, “Pahinta medando ae bhahaa?” Ambano toha Yesus, “Koise fopongko, koise monsule, koise mosoꞌo, koise membali sakusii kopaha,

Matius 5:19

Dadiꞌanomo laꞌae so kumamudaino tubhono agama Yahudi mahingga pahinta foliuno kahobu, maka namoguhuandae dua bhaindo, naeꞌawa kaengkohaꞌa foliuno kapanda weo Kafopahintaꞌano Lahataꞌala. Tamaka laꞌae mangkafino bhe fofoguhuꞌaono kosasawiꞌae pahinta anaꞌa, naeꞌawa kaengkohaꞌa foliuno kalangke weo Kafopahintaꞌano Lahataꞌala.

Lukas 11:42

Tamaka balaamoomu hintimiu miendo Farisi, kapaꞌamo taꞌolentu-lentuomu pehapimiu mohobuꞌino peda sabhaha kagule feompulu dawueꞌomu maka sedawu gaatiemoomu so kapopanga ne Lahataꞌala. Gahaꞌa o kaꞌadhili bhe kaasi ne Lahataꞌala miina konamianeomu. Haa hondano aini tetewei dhalangieꞌomu, tamaka atorano agama koise dua molimpuꞌaneomua.

Matius 23:23

Balaamoomu, pande-pande Kitabi bhe miendo Farisi, hintimiu mie mehaaꞌulano! Kapaꞌamo taꞌolentu-lentuomu pehapimiu mohobuꞌino peda sabhaha kagule. Feompulu dawueꞌomu maka sedawu gaatiemoomu so kapopanga ne Lahataꞌala. Gahaꞌa fofoliuꞌano kafaraluu weo tubhono agama miina konamianeomu. Foliuꞌano kafaraluu anaꞌa peda kaꞌadhili, pomobhe-mobhelaꞌao lalo bhe kataino lalo. Tolu hondano aini tetewei dhalangieꞌomu, tamaka sehondano saꞌituini koise dua molimpuꞌaneomua.

Markus 9:14

Yesus bhe anaguhuꞌino totoluno maitu dosulimo toha we anaguhuꞌino sigaoꞌano, gahaꞌa dowohadamo nandoo dolibu-libuda mie bhahi. Nandoo dua pande-pande Kitabi tangasano dopotaga-tagali bhe andoa.