Markus 12:2 - Muna Southern Dialect

² Nohato wulano defoꞌonu hasili, netudumo seemie bhatuano nakumala se kumahadhaano naꞌa, namalaꞌao dawuno.

Markus 12:2 Referans Kwoze

Ibrani 1:1

Ne dhamani wawono Lahataꞌala nofendu-fenduaꞌe nokobhoasao ne awuaꞌintoomu noangka ne ana-anabii nepake sabhaha dhala.

Lukas 20:10

Nohato wulano defoꞌonu pehapi, netudumo seemie bhatuano nakumala ne kumahadhaano te kaampono angguruno naꞌa, so namalaꞌao dawuno. Tamaka mie kumahadhaano tadohambisi bhatua anaꞌa maka dotudue nasumuli haambali limano.

Lukas 12:48

Tamaka seemie bhatua tapa mandeꞌaono kapoindalono kafeompuꞌano maka nehabu kaꞌala sampe nopantasimo dabhebhee, seendai naeꞌawa kabhebhe. Kapaꞌamo mie metahimano nobhahi, naobhahi dua datumuntue; mie neposahunaꞌaono nobhahi, naobhahi dua so nesonso ne anoa.”

Matius 21:34

Nomaꞌo tempono foꞌonuꞌano pehapi, netudumo bhatuano dokala te kumahadhaano naꞌa damala dawuno kafeompuꞌando.

Markus 12:1

Nopalusi peda naꞌa Yesus nopugaumo ne meangkaꞌindo imamu, pande-pande Kitabi bhe kamungkulaꞌi, nepakeanda kapalenda. Ambano, “Nandoo seemie nelengka kaampo maka nekantisaane angguru. Kofatowalaꞌae kaampono nopagalae. Neseli dua kantobha mbali kaefeoꞌano angguru bhe nefoehe kapala so kaedhaganiꞌa. Palusi aitu nefogadhimo mie so kumahadhaano kaampono maitu maka nokala we koliwuno.

Markus 12:3

Gahaꞌa sahatono katudu amaitu, dointahaemo maka dohambisie. Pada dohambisie, dotuduemo nasumuli haa mbali limano, miina nakoniwowoꞌo.