Markus 12:14 - Muna Southern Dialect

¹⁴ Sapoꞌawando bhe Yesus dofeenamo ambado, “Guru, tapandeꞌaane nelaa lalomu. Miina koniengatia, hampano miina poꞌala-alaanda manusia, mpahinomo weo kalaano lalomu fofoinaꞌuꞌao kaangkaꞌa metaano Lahataꞌala so manusia. Weo tubhono agamantoomu naembali bhahaa datumanduao sewa ne Omputo Kaisar kaa paise? Nofaraluu tasumewa kaa paise?”

Markus 12:14 Referans Kwoze

1 Tesalonika 2:4

Insaodi tapugau suano so tamekaꞌiaꞌao lalondo manusia, tamaka so tamekaꞌiaꞌao lalono Lahataꞌala, umudhinomo totono lalo mani. Kapaꞌamo Lahataꞌala noabhi kainsami nopantasi noposahunaꞌao kainsami Bhihita Metaa tamolelee.

Galatia 2:6

Mahingga tanada amaimo, mie nefokamungkula weo umati maitu miina damosuhu kanau aetubhahi atora buꞌou weo kafoinaꞌuku. Andoa naꞌa akonada mie nefokamungkula weo umati, tamaka weo namisiku mie nefokamungkula bhe suano tanopototomo, kapaꞌamo Lahataꞌala miina naepoꞌala-alaꞌao mie.

Galatia 1:10

Dadiꞌanomo peda ae bhahaa itua? Aeꞌondofi kapudhindo mie bhahaa? Miina kaꞌasi, ingka aeꞌondofi kaowu kapudhino Lahataꞌala. Kunaꞌemiu aeala-ala lalondo manusia bhahaa? Ane ibahano aeala-ala lalondo manusia, ingka idi ini suanomo palima-limano Kristus.

2 Korintus 5:16

Dadiꞌanomo ampa aitu insaodi miinamo taetiliki kamanusiando mie bhai mani. Daanumo endefiꞌini tatilikie dua kamanusiano Kristus, tamaka haꞌoleo ini miinamo.

2 Korintus 5:11

Insaodi tapandeꞌaane maꞌanano doteꞌi ne Ompu, kanandooꞌanomo sadhia taꞌulei lalo mani so doparasaeaꞌao mie bhai mani. Lahataꞌala nolosangie mpuu totono lalo mani, bhe aposahunaꞌao naentalea dua weo totono lalomiu mie medano ae insaodi ini.

2 Korintus 2:17

Kapaꞌamo insaodi ini miina tapototo bhe mie bhahino meꞌondofino laba ne bhoasaono Lahataꞌala. Patudhu mani nohelasi, weo kaseꞌise mani bhe Kristus tapugau ne wiseno Lahataꞌala peda mie nefotakano wutono Lahataꞌala.

2 Korintus 2:2

Kapaꞌamo ane amekakompeaha lalomiu, laꞌae dua so mekaꞌia kanau? Ingka dowolo dokompeaha lalondo hampano idi.

Yohanes 7:18

Ane o mie nofofoinaꞌu nomaiꞌao ne fekihino wutono, mie aitu neꞌondofi kafosibhala so wutono. Tamaka mie meꞌondofino kafosibhala so Tumudue, mie aitu nelaa lalono, miina bhe modaiꞌano weo totono lalono.

Roma 13:6

Ainiꞌaemo dua tingkuno sampe tanduaꞌaoꞌomu sewa, hampano o pamarinta palima-lima meompuno ne Lahataꞌala, mpuu-mpuunino takando maitu.

Lukas 23:2

Dohato dosangkatiemo ambado, “Tahatofie mie aini nefekakolilino raꞌeati mani, pakade noꞌeleꞌa kainsami tatumanduao sewa ne Omputo Kaisar. Anoa nokona dua wutono Kristus, maꞌanano Omputo Fosalamatino.”

Lukas 20:22

Weo tubhono agamantoomu, naembali bhahaa datumanduao sewa ne Omputo Kaisar kaa paise?”

Markus 14:45

Sahatono, Yudas nomaꞌotimo Yesus bhe nopugau ambano, “Guru!”, poowa nowonoe.

Matius 22:17

Soba fohato kainsami, peda ae fekihimu, weo tubhono agamantoomu, naembali bhahaa datumanduao sewa ne Omputo Kaisar kaa paise?”

2 Korintus 4:1

Insaodi tatahima taka kaꞌondofao aini hampano kabhelano lalono Lahataꞌala, patamo kaotembeꞌano lalo mani.

Matius 22:16

Dotudumo anaguhuꞌindo dapoowa-owa bhe mieno kolaki Herodes dofeena ne Yesus ambado, “Guru, tapandeꞌaane nelaa lalomu. Weo kalaano lalomu fofoinaꞌuꞌao sala metaano Lahataꞌala so manusia. Miina koniengatia, hampano miina poꞌala-alaanda manusia.

Markus 12:13

Pada aitu kamungkulaꞌindo Yahudi detudumo seemie hodua miendo Farisi bhe mieno kolaki Herodes dapoꞌawaꞌao Yesus. Patudhundo dametando alano wambano.

Markus 12:15

Tamaka Yesus nopandeꞌaane dofehaaꞌula, maka nopugau ambano, “Noafa gahaꞌa soba kanauꞌomu? Waꞌa kanauꞌomu dhoi pera itu nasewoka ameꞌondoe.”