Markus 10:21 - Muna Southern Dialect

²¹ Noꞌondo mie amaitu, Yesus noasiane maka nopugau ambano, “Tasehonda nekaemimua! Sulimo, asoe sabhaha fehebuaꞌamu, olino dawu-dawuandae mie mokae, maka meꞌawa arataa te surugaa. Mada anaꞌa maimo angkafi kanau.”

Markus 10:21 Referans Kwoze

Powoha 2:4

Tamaka nandoo dua pata nepoindaloku: hintimiu hunsamoomu kanini kaasimiu peda kabhao-bhaono.

Lukas 10:42

Ingka ampamo sehonda maraluuꞌano. Maria nopilimo metaaꞌano, maka paise damalae mie bhaindo.”

Yakobus 2:10

Kapaꞌamo ane dodhalangi pahintano Lahataꞌala, tamaka dekangkalaꞌi sehonda, ingka nopototomo bhe dokangkalaꞌiemo bhahi-bhahiꞌae.

Tula-tulando rasulu 2:45

Sadhia nandoo dua masono fehebuaꞌano maka olino dopodawu-dawue ampa kafaraluuno seemie-seemie.

Lukas 18:22

Nofetingke peda naꞌa Yesus nopugaumo ambano, “Tadua sehonda so nedhalangimua, asoe sabhaha fehebuaꞌamu, olino dawu-dawuandae mie mokae maka meꞌawa arataa te surugaa. Mada anaꞌa maimo angkafi kanau!”

Matius 16:24

Pada peda maitu Yesus nopugau ne anaguhuꞌino, “Laꞌae maka so mangkafi kanau tabeano nahumunsa kafaraluuno wutono, natumongku sau salipuno ⸤ maꞌanano doꞌunda mahingga damate⸥ maka namangkafi kanau.

Powoha 2:20

Tamaka nandoo pata nepoindaloku: hintimiu taꞌokatahoomu hobhine koneaꞌano Isebel, nokona wutono anabii. Ingka nofoinaꞌu bhe nofokolilino palima-limaku sampe dopokawite-wite bhe dohumaa oti kapopanga so barahala.

Powoha 2:14

Tamaka nandoo sehonda haa honda pata nepoindaloku ne hintimiua: ne olotamiu itu nandoo mangkafino kafoinaꞌuno Bileam. Anoa ini notangahi Balak namekakolilino totono lalondo miendo Israel daomaa oti kapopanga so barahala bhe dapokawite-wite.

Ibrani 10:34

Padamo dua menamisiomu kapeano lalondo mie netohongku. Wakutuuno arataamiu dorampasie, tatahimamoomu weo kawulano lalo, hampano pandeꞌaaneomu bhe arataamiu lumiuꞌe kakesa so motahano ampa suhue dhamani.

Lukas 12:33

Asopieꞌomu fehebuaꞌamiu maka dhoino waꞌandae mie mokae! Mehabuomu kadu-kaduno dhoi so tapa molusaꞌano, maꞌanano kahangkaea te surugaa tapa mowoowolono. Kahangkaea anaꞌa paise nahumatoe kasibu, paise dua naomaaꞌe faa.

Markus 8:34

Pada aitu Yesus nosaliꞌimo mie bhahi bhe anaguhuꞌino maka nopugau ambano, “Ane dopoindalo damangkafi kanau, tetewei dahumunsa kapoindalondo wutondo. Mada anaꞌa datumongku sau salipundo ⸤ maꞌanano doꞌunda mahingga damate⸥ maka damangkafi kanau.

Lukas 19:41

Nohato we owano kota, nowoha Yerusalem, Yesus noꞌaefiemo.

Lukas 9:23

Kosasawindo nofohatodamo ambano, “Laꞌae maka so mangkafi kanau tabeano nahumunsa kafaraluuno wutono, natumongku sau salipuno seꞌo-seꞌoleo ⸤ maꞌanano doꞌunda mahingga damate⸥ maka namangkafi kanau.

Matius 19:21

Ambano Yesus, “Ane moindalo nasumangka dadimu, kalamo asopi sabhaha fehebuaꞌamu, olino dawu-dawuandae mie mokae maka suli meꞌawa fehebuaꞌa te surugaa. Mada anaꞌa maimo angkafi kanau.”

2 Korintus 12:15

Dadiꞌanomo idi ahelasianemo sabhaha fehebuaꞌaku so hintimiu, bhahaa bhemo wutoku ini ahelasianemo so kaetaaꞌamiu. Ane idi sadhulu kamoasiꞌaoku ne hintimiu, nopantasi bhahaa sedhulu kakongkono kamoasiꞌaomiu ne idi?

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Yohanes 12:26

Laꞌae so umondofa kanau, tetewei namangkafi kanau. Ne amai kahatoꞌaku, ne ituꞌaemo dua so kahatoꞌano anoa. Laꞌae so umondofa kanau namosibhalae Amaku.

Lukas 16:9

⸤ Ambano toha Yesus⸥ Amohatokoomu, pakeomu kanandoono dhunia ini so posabhangkaomu mie bhaimiu, neanomo pae kaowu nakofahalaa kanandoono dhunia ini, hintimiu nandoo dua datumahimakoomu weo lambu kadadiꞌa suhue dhamani.”

2 Timotius 3:12

Ingka daanumo kosasawindo mie dumadi lumebeno weo kaseꞌise bhe Kristus Yesus tetewei damodee-deeda.

Markus 10:22

Nofetingke pugauno Yesus naꞌa, nobatalamo lalono, lasao nokala. Nosabha handano mbaꞌinomo nohangkaea sepaliꞌa.