Markus 10:19 - Muna Southern Dialect

¹⁹ Ingka pandeꞌaanemo padaa pahintano Ompu Lahataꞌala, ‘Koe fopongko, koe monsule, koe mbolaku, koe membali sakusii kopaha, koe fobhohe-bhoheꞌi, fosibhala inamu bhe amamu!’ ”

Markus 10:19 Referans Kwoze

Roma 13:9

Kapaꞌamo bhahi-bhahiꞌae pahinta weo tubhono agama Yahudi: koe monsule, koe fopongko, koe mosibu, koe mekapoindalo pata membalino hakumu, bhe sabhaha pahinta sigaoꞌano, ingka noꞌonumo ne bhoasao sehondano ini, “Moasiꞌao mie bhaimu peda kaasimu ne wutomu.”

Yakobus 2:11

Kapaꞌamo kobhoasaono, “Koise monsule!” ingka Anoamo dua kobhoasaono, “Koise fopongko!” Dadiꞌanomo ane miina monsulea, tamaka fopongko, ingka membalimo mie mekangkalaꞌino pahintano Lahataꞌala.

Lukas 18:20

Ingka pandeꞌaanemo padaa sabhaha pahintano Lahataꞌala: Koe monsule, koe fopongko, koe mbolaku, koe membali sakusii kopaha, fosibhalada inamu bhe amamu.”

1 Tesalonika 4:6

Weo diu nepulaoꞌaoku ini, koise dua kokaꞌalaomu ne bhahitiemiu tawa bhohe-bhoheꞌieꞌomu. Ingka endefiꞌini padamo tafodhagakoomu putae Ompu nahumukumu mehabuno kaꞌala medando naꞌa.

Galatia 5:14

Kapaꞌamo kosasawiꞌae tubhono agama Yahudi nefoꞌonumo ne pahinta sehondano ini, “Moasiꞌao mie bhaimu peda kaasimu ne wutomu!”

Galatia 4:21

Bhahitieꞌiku moindalono dumadino weo tubhono agama Yahudi, miina metingkeeꞌomua gahaꞌa wambano Kitabi anaꞌa?

Roma 3:20

Hampano bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi; tamaka hampano nandoo tubhono agama maitu manusia dopandeꞌao wutondo dokodhosa.

Markus 10:18

Notobhoosimo Yesus, ambano, “Noafa gahaꞌa kona kanauꞌao metaano lalo? Ingka miina bhe metaano lalo, mpahinomo wutono Ompu Lahataꞌala.