Markus 10:1 - Muna Southern Dialect

¹ Nomaiꞌao ne itu Yesus nokalamo we kadieno Yudea bhe kadie we sewetano umeleno Yordan. Mie bhahi domaimo toha dolibue. Peda kaneano, Yesus nofoinaꞌudamo toha.

Markus 10:1 Referans Kwoze

Yohanes 10:40

Palusi anaꞌa Yesus nosulimo we sewetano umeleno Yordan, ne kafokadiuꞌano Yohanes endefiꞌini maka neate ne itu.

Markus 4:2

Nobhahi kafoinaꞌuno nepakeanda kapalenda. Ambano peda aini.

Yohanes 11:7

Palusi anaꞌa nopugaumo ne anaguhuꞌino ambano, “Maimoomu dosuliomu we Yudea.”

Markus 6:34

Nosampu nomaiꞌao ne bhangka, Yesus nowohamo kantawundo mie naꞌa. Nobhelaandamo lalono mbaꞌinomo andoa ini tapedamo gulumano dhumba pata kodhagano, sampe nobhahi toha nofoinaꞌuda.

Matius 4:23

Yesus noangkai kosekaꞌewaꞌae kadieno Galilea, nofofoinaꞌu ne lambu-lambu kasambaheaꞌa. Anoa nefolele Bhihita Metaa Kafopahintaꞌano Lahataꞌala, poowa nefekaꞌosa sabhaha mie mosaki bhe modaino namisi ne liwu aitu.

Yohanes 18:20

Yesus notobhoosimo ambano, “Idi sadhia apugau mentalea-mentalea ne dhunia, afofoinaꞌu ne lambu-lambu kasambaheaꞌa bhe ne Lambuno Lahataꞌala kapofoꞌo-foꞌonuꞌando kosasawindo miendo Yahudi. Miina sepaliꞌa apugau mpebuni.

Markus 2:13

Pada aitu Yesus nokala toha se wiwino teꞌino Galilea. Dobhahi mie poꞌawaane, maka Yesus nofoinaꞌuda.

Matius 26:55

Pada aitu Yesus nopugau ne mie bhahi ambano, “Kona kanauꞌomu mie modai gahaꞌa sampe metaguomu kampue bhe kawangku maka humako kanauꞌomua? Ingka seꞌo-seꞌoleo aengkoha-ngkoha afofoinaꞌu weo Lambuno Lahataꞌala, tamaka miina humako kanauꞌomu.

Markus 1:21

Yesus bhe mie mangkafie dohatomo we liwuno Kapernaum. Sahatono oleono Sabat, Yesus lasao nopesua weo lambu kasambaheaꞌa maka nofofoinaꞌu.

Markus 6:2

Nohato oleono Sabat nofofoinaꞌumo toha weo lambu kasambaheaꞌa. Mie bhahi domente dofetingke kafoinaꞌuno. Ambado, “Noꞌawae ne amai bhahaa kapandeno maitua? Dowaꞌane dawua ae bhahaa mie aini? Peda ae nokokuasa nehabu giu timenteꞌaono maitu?

Markus 10:2

Domaimo dua miendo Farisi, patudhundo damoꞌalae. Dofeenamo ambado, “Weo tubhono agamantoomu, bhahaa naembali o moꞌane nopohunsa bhe mieno lambuno?”

Markus 12:35

Sepaku tangasano nofofoinaꞌu weo Lambuno Lahataꞌala, Yesus nofeenamo ambano, “Noafa gahaꞌa pande-pande Kitabi dokonaꞌao Mesias sampuꞌano Daud?

Markus 14:49

Ingka seꞌo-seꞌoleo afofoinaꞌu weo Lambuno Lahataꞌala ne wisemiu, tamaka miina humako kanauꞌomu. Kapedaꞌano naꞌa somo nakoꞌulaꞌao tibuhino weo Kitabino anabii.”