Lukas 9:26 - Muna Southern Dialect

²⁶ Kapaꞌamo ane doambano doangkafi kanau bhe kafoinaꞌuku, Anano Manusia naoambanoane dua mie aitu humato namai weo kakalabhiano wutono bhe kakalabhiano Amano, dalumibu-libue malaꞌekati mongkilono.

Lukas 9:26 Referans Kwoze

2 Timotius 2:12

ane dakosabahaomu dapotaamiꞌao kakadee-dee, ingka mada kaowu damahinta dua bhe Anoa; ane dagumaga miina damandeꞌaane, ingka mada kaowu nagumaga dua miina nafopandeꞌao;

Roma 1:16

Miina aoambanoanea Bhihita Metaa, hampano aini o kuasanomo Lahataꞌala mosalamatino sabhaha mie marasaeano, kabhao-bhaono miendo Yahudi maka bansano liwu sigaoꞌano dua.

Markus 8:38

Ane doambano doangkafi kanau bhahaꞌi doambano doangkafi kafoinaꞌuku ne olotando mie modai bhe mie kodhosa dhamani aini, Anano Manusia - Idimo ini - naoambanoane dua mie aitu ane namai weo kakalabhiano Amano, dalumibu-libue malaꞌekati mongkilono.”

Powoha 21:8

Tamaka mie katehe, mie tapa marasaeano, mie timolampi, mie fopongkono, pokawite-witeno, kowuhakeno, mesombaino barahala bhe sabhaha mie kopahano, andoa maitu daꞌumawa dawundo weo efi ngkowaleha ngkalai-laino ne kantobha bhalano. Anoamo ini mate kahaa pakuno.”

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Matius 25:31

“Ane namai kaowu Anano Manusia weo kakalabhiano napoowa-owa bhe kosasawindo malaꞌekatino, maka naengkoha-ngkoha te kaengkohaꞌano kumalabhiano.

Yohanes 12:43

Andoa doasiane kafosibhala ne manusia bhe ne Lahataꞌalaa.

Powoha 20:11

Pada aitu awohamo dua kaengkohaꞌa kumalabhiano nopute bhe nobhala bhe Mengkohafie. O lani bhe dhunia tanosimiinaeꞌamo ne wiseno kao-kaomo dofileiane, miinamo natiwohaa.

Yudas 1:14

Henok, sampuꞌa kafitu pulangano maiꞌao ne Adam, nokosuahamo dua peda anabii nopulaoꞌao andoa itu. Ambano, “Ondo itu, Ompu Lahataꞌala namai napoowa bhe malaꞌekatino mongkilono dantini hewu-hewu.

2 Timotius 1:12

Kanandooꞌanomo aeꞌawa sabhaha kakadee-dee ini, tamaka miina aoambanoanea, mbaꞌinomo apandeꞌaane o laꞌae neparasaeaku. Apandeꞌaane mpuu Anoa nokokuasa nadhumagani neposahunaꞌaono ne idi ampa ne oleo kahatoꞌano Ompu.

Powoha 3:5

Sasuka fotalono damopakeane pakea kapute pedando naꞌa; neando tibuhino weo Kitabino Mie Dumadi paemo amosaliea. Ne wiseno Amaku bhe ne wisendo dua malaꞌekatino, aꞌumakuida putae andoa maitu fehebuaꞌaku.

Powoha 1:7

Ondo kaitaomu, Anoa nahumato te olu kapute bhe sabhaha mie daohae, mahinggamo andoa mada kumahadae. Kosasawindo bansano liwu ne dhunia ini daoꞌaefie. Uumbe mpuu. Amin.

Galatia 6:14

Tamaka o idi akiido naowose bhakeku ne ae maka dua, mpahinomo Ompuntoomu Yesus Kristus mateno te sau salipu nefosibhalakua. Kapaꞌamo mbaꞌinomo mateno Kristus te sau salipu, dhunia ini miinamo bhe fahalaanoa so idi, kao-kaomo nomatemo so idi. Pedamo dua idi ini, kao-kaomo amatemo so dhunia.

Matius 26:64

Ambano Yesus, “Ingka pedamo pugaumu itu. Ampamo kaowu amohatoko, notanda aitu mohaomu Anano Manusia naengkoha ne suanano Lahataꞌala kokuasano, mohaeꞌomu namai te wunta-wuntano olu te lani.”

Ibrani 13:13

Dadiꞌanomo mai dokalaomu se Anoa we sembalino kapoliwuꞌa, daeala dawu weo kafekaꞌaebu nenamisino.

Ibrani 11:26

Weo fekihino Musa, kafekaꞌaebu neꞌawano hampano kaparasaeano ne Mesias Omputo Fosalamatino, noliuꞌe kakoharagaano bhe kosasawiꞌae arataano witeno Mesir, hampano nofeki-fekihi ponambo te oleo mbuhumai.

2 Korintus 12:10

Kanandooꞌanomo aoꞌiaꞌanemo dua kanaleku ini. Aoꞌiamo dua ane mbaꞌinomo afeompu ne Kristus doꞌumbu kanau, aeꞌawa sabhaha kasabha bhe kaseke bhe dofodee-dee kanau. Kapaꞌamo weo kanaleku ini, kaoꞌosaꞌakumo dua.

Yohanes 5:44

Hintimiu gaomiu damosibhalakoomu mie bhaimiu, miina meꞌondofiomu kafosibhala maiꞌao ne Kaseemie-mieꞌano. Dadiꞌanomo, nada amai marasaeaꞌomu gahaꞌa?

Tula-tulando rasulu 10:22

Ambado, “Notudu kainsami Kornelius. Kornelius ini seemie neangkando tantara, lalono nelaa bhe noteꞌi ne Lahataꞌala. Kosasawindo miendo Yahudi dopandeꞌaanemo dua kataano lalono. Anoa neꞌawa kafohato maiꞌaono ne Lahataꞌala nefosampeno seemie malaꞌekati mongkilono. Weo powohano naꞌa Lahataꞌala nofohato Kornelius daꞌumuleiko kumala we lambuno nametingkeꞌao pugaumu.”

1 Timotius 5:21

Aitu aefeꞌulaiangko, ingka bhe wutono Lahataꞌala bhe Kristus Yesus bhe malaꞌekatino tipilino mandeꞌaane: angkafie sabhaha kafoinaꞌu aini, koe poꞌala-alaanda miea, koe dua nobhie seweta weo timbangimua.