Lukas 8:42 - Muna Southern Dialect

⁴² kapaꞌamo anano hobhine kaenseemie tamateꞌano; umuhuno napeompulu haa taꞌumo. Weo kala-kalano dahumope se lambuno Yairus, mie bhahi dopoꞌua-ua ne sohihino Yesus.

Lukas 8:42 Referans Kwoze

Lukas 8:45

Ambano Yesus, “Laꞌae gahaꞌa dumingku kanau?” Tamaka miina bhe mekapunano. Dadiꞌanomo nopugaumo Petrus ambano, “Guru, ingka wohada kabhahindo mie lumibuko bhe umua-uako!”

Lukas 7:12

Nomaꞌo bhe kaguali bhalano mesuaꞌano weo kota nandoo katongkuno mie mate dolimbaane maiꞌao weo kota. Mateꞌano naꞌa anaꞌi moꞌane kaenseemie, anano bhihinanda. Dobhahi sepaliꞌa miendo kota poangkaꞌaono hobhine naꞌa.

Roma 5:12

O dhosa nopesua we dhunia ini hampano seemie manusia, nomaiꞌao ne dhosa nopesua dua mate, maka o mate nokangkanai kosasawindo mie, mbaꞌinomo kosasawindo manusia dokodhosamo.

Markus 5:24

Pada aitu Yesus dosikalaꞌamo bhe anoa. Mie bhahi dosipumpumo toha doangkafie bhe dopoꞌua-ua ne sohihino.

Lukas 8:41

Gahaꞌa nomaimo seemie mandeꞌaono lambu kasambaheaꞌa, neano Yairus. Anoa nosudhu notaohao sombano nesalo ne Yesus nakumala se lambuno,

Lukas 8:43

Gahaꞌa ne itu nandoo seemie hobhine, ompulu haa taꞌumo nomaiꞌie kansuhu wulano miina bhe katiehea. Tanopadamo kanandoono nopoagoane, tamaka bhe seemie miina bhe moolie.