Lukas 8:21 - Muna Southern Dialect

²¹ Tamaka Yesus tanotobhoosi ambano, “Mie metingkeno bhe dhumalangino bhoasaono Lahataꞌala, andoamo ini inaku bhe bhahitieꞌiku.”

Lukas 8:21 Referans Kwoze

Yakobus 1:22

Hintimiu tabeano dhumalangieꞌomu bhoasaono Lahataꞌala, koise tafetingkeomu kaowu. Kapaꞌamo ane taꞌometingkeeꞌomu kaowu, ingka bhohe-bhoheꞌimoomu wutomiu.

Yohanes 13:17

Ane kosasawiꞌae ini pandeꞌaaneomu maka kodawua mpuu ane dhumalangieꞌomu.

3 Yohanes 1:11

Bhahitieku nemoasiꞌaoku! Koise mesandaha ne habu modai tamaka ne habu metaa. Sasuka humabu metaano, anaꞌinomo Lahataꞌala, tamaka sasuka humabu modaino miinaꞌo sepaliꞌa namandeꞌao Lahataꞌala.

1 Yohanes 2:29

Ingka pandeꞌaanemoomu, Kristus nodadi noangkafi kapoindalono Lahataꞌala. Dadiꞌanomo tabeano mandeꞌaaneomu dua putae sasuka mangkafino kapoindalono Lahataꞌala, ingka anaꞌinomo Lahataꞌala.

2 Korintus 6:18

“Idi aembali amamiu, hintimiu somo anaꞌiku moꞌane bhe hobhine; pedamo naꞌa bhoasaono Ompu, Fofoliuno Kuasa.”

Lukas 8:15

Mondawuꞌano ne wite menowu maꞌanano mie metingkeno bhoasaono Lahataꞌala, dofekataaꞌe mpuu weo totono lalondo metaaꞌano. Andoa dopotaami kansuhu ampa dokohasili.”

2 Korintus 5:16

Dadiꞌanomo ampa aitu insaodi miinamo taetiliki kamanusiando mie bhai mani. Daanumo endefiꞌini tatilikie dua kamanusiano Kristus, tamaka haꞌoleo ini miinamo.

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

Matius 25:40

Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Matius 17:5

Tangasano Petrus nopugau, tanosikaolumidamo olu nentalea sepaliꞌa. Nomaiꞌao weo olu naꞌa notifetingkemo suaha ambano, “Ainimo Anaku timoasiꞌaono, neposahasiꞌaono laloku, fetingkeeꞌomu pugauno.”

Matius 28:10

Nopugaumo dua Yesus ambano, “Koise moteꞌiomua, kala fohatoomu bhahitieꞌiku dakumala we Galilea, ne tatu damoha kanaumo.”

Matius 25:45

Ambano dua omputo naꞌa, ‘Amohatokoomu, kotu-kotuꞌu taenomo mokiidoomu metulumiomu seemie foliuno kandidiki ini, nopototomo mokiidoomu tumulumiomu Idi.’

Lukas 8:20

Dofohatoemo mie ambado, “Inamu bhe bhahitieꞌimu deehe-ehe we simbali, gaondo dapoꞌawaangko!”