Lukas 8:2 - Muna Southern Dialect

² bhe hobhineꞌi nefekaꞌosano nomaiꞌao ne kuasano seetani bhe ne sabhaha saki. Andoa naꞌa Maria nekonando dua Magdalena, pada nofolimbaane fitu bansa seetani mesuakie;

Lukas 8:2 Referans Kwoze

Markus 16:9

[Nowanu kaowu, ne oleono Ahadhi kahangkowineno, kabhao-bhaonoꞌo Yesus nofotiwoha Wutono ne Maria Magdalena. Nomaiꞌao ne Maria ini, Yesus padamo nefolimba fitu bansa seetani.

Yohanes 19:25

Ne owano sau salipuno deehe-ehe inano Yesus bhe hobhine kakutaꞌano inano, Maria hobhineno Kleopas bhe Maria Magdalena.

Tula-tulando rasulu 1:14

Andoa ini sadhia dosekakolalo dosambahea. Dosabhangkada dua hobhineꞌi, bhe Maria inano Yesus bhe bhahitieꞌino Yesus.

Lukas 23:55

Hobhineꞌi poowa-owaꞌano Yesus domaiꞌao we Galilea doangkafimo Yusuf. Kobuhu anaꞌa dowohae, bhe dowohae dua peda amai maeatino Yesus dofondolee we lalo.

Lukas 23:49

Kosasawindo mie popandeꞌaono bhe Yesus tadeehe-ehemo we kodoꞌoꞌano, pedamo dua naꞌa hobhineꞌi mangkafie notanda we Galilea. Bhahi-bhahiꞌae kadhadhia anaꞌa dowohae.

Lukas 23:27

Dobhahi sepaliꞌa mie mangkafino Yesus, ne olotando mie bhahi maitu dobhahi dua hobhineꞌi doꞌaefie bhe dekangkoꞌae.

Lukas 8:30

Yesus nofeenamo ambano, “Laꞌae gahaꞌa neamu?” Ambano, “Neaku Legion”, kapaꞌamo dobhahi seetani mesuakie.

Markus 16:1

Nopalusi oleono Sabat, Maria Magdalena, Salome bhe Maria inano Yakobus, dokalamo deꞌoli mina-mina. Patudhundo dakumala daminaki maeatino Yesus.

Matius 4:24

Bhihitano Yesus ini nokolelemo ne kosekaꞌewaꞌae kadieno Siria, sampe deowaꞌianemo mie menamisino sabhaha saki, kakadee-dee bhe kadaino namisi, mie nepesuakino seetani, mate manuno bhe mokaluno. Kosasawindo naꞌa nofekaꞌosada.