Biblia Todo Logo
Bib sou entènèt

- Piblisite -




Lukas 8:13 - Muna Southern Dialect

13 Mondawuꞌano ne kamoꞌali, maꞌanano mie metingkeno bhoasaono Lahataꞌala naꞌa, lasao dotahimae bhe doꞌiaꞌane, tamaka miina nakopahakaa weo totono lalondo. Doparasaea sebantaha kaowu, sadeꞌawa kasabha dohunsa kaparasaeando kosowo-sowondo.

Gade chapit la Kopi




Lukas 8:13
37 Referans Kwoze  

Yohanes maitu tapedamo kantalea humende nokotilanga, hintimiu moꞌiaꞌaneomu tilangano, tamaka sebantaha kaowu.


Weo hame-hamendo umati notimolampi diundo, kapaꞌamo miina daoambanoa deagoi oti, tadofeꞌulai kaowu wutondo. Andoa tapedamo olu nelola-lolaꞌaono kawea tamaka miina naeowa use. Andoa tapedamo dua sau tapa kobhake mahinggamo ne tandaiꞌano nakobhake, mbaꞌinomo padamo dobunae bhe paha-pahakano, nomatemo sepaliꞌa.


Podiundo nopokantibha mpuu bhe wambano kapalenda aini “O daꞌu suli nososo tongkano, o wewi mada mekadiuno nosuli toha nofelembo.”


Kapaꞌamo ane o mie nopandeꞌaomo Ompu bhe Omputo Fosalamatino Yesus Kristus, ingka nolapamo maiꞌao ne sabhaha kuasano dhunia pokahakuno. Tamaka ane suli toha dotigogantu bhe dotalo ne sabhaha kuasa naꞌa, ingka sedhuluꞌa kadahano bhe endefiꞌini.


Ampamo kaowu intaodiomu ini suano umati mesowo-sowono so binasano, tamaka intaodiomu ini umati marasaeano so meꞌawano dadi.


Sio-siomo hampano kaparasaeamiu, Kristus naeate kansuhu weo totono lalomiu, maka dadimiu naengkoha bhe nakopahaka weo kanini kaasi.


Ane o mbadha miinamo nakoinawa, ingka nomatemo. Pedamo dua aitu o kaparasaea, ane miina naseowaꞌa bhe habu, ingka nomatemo.


Fintahakie kaparasaeamu bhe totono lalomu metaano kumatanga-tangano. Kapaꞌamo nandoo seemie hodua miinamo daꞌumondofaanea totono lalondo kumatanga-tangano naꞌa, sampe kaparasaeando nohungga tapeda kapala tisoheno.


Dadiꞌanomo, mbaꞌinomo miinamo natitagalia kakambano lalo mani, tatudumo Timotius, amandeꞌao kaowu koeateno kaparasaemiu. Kapaꞌamo nomihiangkoomu laloku, bhahasaa nopoolikoomu kawudhuno Kafeompuꞌando seetani sampe nasumia-sia kawule mani.


Kaparasaeamiu ne Anoa tabeano nakopahaka, bhe wutono Kristus naembalimo kaengkohaꞌano dadimiu. Kaparasaeamiu tabeano dhulu kamatangka, noposahataa bhe kafoinaꞌu netahimamiu. Totono lalomiu nakaꞌende-ende mefoampeomu katumpuno lalo.


Nosia-sia bhahaa sabhaha kadhadhia madano netompaloimiu? Koasimo dua nosia-sia!


Hintimiu miendo Galatia, kabhohemiu gahaꞌa! Nofobhohe-bhoheꞌikoomu laꞌae bhahaa ⸤ sampe hunsaomu kafoinaꞌu banara⸥ ? Ingka padamo afekantale-ntaleaꞌangkoeꞌomu mateno Yesus Kristus te sau salipu.


Noangka ne Bhihita Metaa aini dofosalamatikoomu, sumanomo fekatangka fintahakieꞌomu, peda toka nefosampeku. Ane paise, ingka nosia-siamo kaparasaeamiua.


Sasuka tapa seꞌiseno bhe Idi daꞌumohoe we simbali nada haꞌano sau maka nakekele. Mada anaꞌa damoꞌonue maka daꞌumohoe weo efi sampe notitawu.


Sasuka haꞌaku tapa kobhakeno nolakoe, tamaka sasuka haꞌaku kobhakeno nofekanggelaꞌie so nodhuluꞌao kabhahino bhakeno.


Tamaka tabeano mpuu-mpuunieꞌomu kaparasaeamiu, fekamatangkae kofindamiu. Koise nomagoeaꞌa, koise dua nogampi posahunaꞌao neꞌawamiu wakutuuno fetingkeomu Bhihita Metaa. Bhihita Metaa ainimo nefolele ne sabhaha manusia we towawano lani ini. Idimo dua ini, Paulus, katudu mefoleleno Bhihita Metaa naꞌa.


Mahinggamo aeꞌawa kapooli akosuaha peda anabii, alumosangie sabhaha rahasia bhe amandeꞌaane sabhaha kapande, namatangka kaparasaeaku sampe naembali aefogampi kabhawo, tamaka ane pae bhe kanini kaasiku, ingka miina bhe faha-fahalaakua.


Kapaꞌamo Herodes padamo netudu mie dadhumagani Yohanes, mbaꞌinomo nomihikie, nopandeꞌaane Yohanes maitu mie metaa, mie mongkilo. Ane nopugau Yohanes, noasiane dua nofetingkee mahingga totono lalono miina nahumempoa.


Andoa mewangino Kristus maitu daanumo domaiꞌao ne olotantoomu, tamaka sakotuꞌuꞌano suano mientoomu. Kapaꞌamo ane kotu-kotuꞌu mientoomu, teteweimo sadaa-daa dapobhai bhe intaodiomu. Tamaka limbando maitu somo notiwohaꞌao putae kosasawindo maitu suano sabhangkantoomua.


Mondawuꞌano ne wiwino kaangkaꞌa maꞌanano mie metingkeno tamaka nomai Kafeompuꞌando seetani noala bhoasao anaꞌa maiꞌao weo totono lalondo keana doparasaea, keana dua dosalamati.


Mondawuꞌano weo kahoku kokihi maꞌanano mie metingkeno bhoasaono Lahataꞌala tamaka nobhahi dofekihi so kadadiꞌando, so kahangkaeando bhe so kambakano namisindo. Kosasawiꞌae naꞌa nopesua weo totono lalondo maka noꞌontiꞌi bhoasaono Lahataꞌala sampe miina nakohasilia.


Swiv nou:

Piblisite


Piblisite