Lukas 7:43 - Muna Southern Dialect

⁴³ Notobhoosimo Simon ambano, “Fenaiku mobhahiꞌano dosa nefosalino saꞌituini.” Ambano Yesus, “Nokotuꞌu fekihimu naꞌa.”

Lukas 7:43 Referans Kwoze

Lukas 10:38

Weo kala-kalano bhe anaguhuꞌino, Yesus nohatomo ne seꞌonu liwu. Ne itu seemie hobhine notahimada weo lambuno, neano Marta.

Lukas 7:47

Dadiꞌanomo amohatoko, kabhalano kamoasiꞌaono ini nofotiwohaemo putae dhosano mobhahiꞌano maitu notiꞌamponimo. Tamaka o mie seendaiꞌano dhosa tiꞌamponiꞌano, seendai kaowu dua kamoasiꞌaono.”

Markus 12:34

Nofetingke katobhoosino mie amaitu noponoꞌao timbangi, Yesus nopugaumo ambano, “Hintu ini miinamo mokodoꞌoa bhe Kafopahintaꞌano Lahataꞌala!” Pada aitu miinamo bhe mokadono so meenaea.

Matius 18:27

Kolaki anaꞌa nobhelamo dua lalono ne bhatuano maitu, sampe nofolapae bhe kosasawiꞌae dosano nofosaliemo.

Lukas 7:42

Hampano miina damondoiꞌe dofosulie, fofoadano naꞌa nofosaliemo dosando kohoduando. Laꞌae bhahaa ne olotando hoduano ini so foliuno kamoasiꞌao ne kodhoino naꞌa?”

Lukas 7:44

Poowa nodoli ne hobhine naꞌa, Yesus nopugaumo ne Simon ambano, “Wohae bhahaa hobhine aini? Idi apesua weo lambumu, tamaka miina maꞌa kanau oe so amewaniuꞌao aꞌeku. Gahaꞌa hobhine aini nobhehei aꞌeku nopake luuno maka noꞌapuleiane wuluno fotuno.