Lukas 7:37 - Muna Southern Dialect

³⁷ Ne kota anaꞌa nandoo seemie hobhine tiende-endeno mie kodhosa. Nofetingke Yesus tangasano nohumaa we lambuno mieno Farisi naꞌa, hobhine aitu nomaimo newowoꞌo kabuto-butolo kani noponoꞌao mina-mina kawondu.

Lukas 7:37 Referans Kwoze

Lukas 5:32

Hatoku ini miina aeꞌondofi mie mongkilo, tamaka mie kodhosa neanomo dametompaꞌaomo podiu modaindo.”

Matius 21:31

Laꞌae bhahaa anaꞌi hoduano maitu mangkafino kapoindalono amando?” Dotobhoosimo mie andoa naꞌa ambado, “Membalino ai.” Ambano Yesus, “Amohatokoomu, kotu-kotuꞌu mealaꞌino sewa bhe karambole damaꞌindulu damesua weo Kafopahintaꞌano Lahataꞌala bhe hintimiu ini.

1 Petrus 4:18

⸤ Weo Kitabi notibuhi peda aini,⸥ “Ane mie banara noꞌalimo dasumalamati, o ae bhahaa so kumadhadhiaꞌano ne mie pata meangkano bhe mie kodhosa?”

1 Timotius 1:9

Nofaraluu datumandaiꞌe, tubhono agama dofokonandooꞌe suano so mie metaaꞌa, tamaka patudhuno mpuu so damewanakiꞌao podiundo mie kumangkalaꞌino sabhaha tubho anaꞌa, peda o mie modaino isikadhi, mie pata sumombaino Ompu, mie kodhosa, mie tapa koꞌagamano, mie mosibhalano dhunia, mie mongkono inano tawa amano, mie fopongkono,

Lukas 18:13

Tamaka mealano sewa naꞌa neehe-ehe se mokodoꞌoꞌano, bhe miina naokadoa natumotohana. Anoa tanotofa-tofa mbadhano kaꞌosano sosono bhe nopugau, ‘O Lahataꞌala, mobhela kanau lalo, idi mie kodhosano ini.’

Lukas 5:30

Miendo Farisi bhe pande-pande Kitabi dokamuntu-muntu ne anaguhuꞌino Yesus ambado, “Noafa gahaꞌa pombali-mbaliꞌaoꞌomu bhe mealaꞌino sewa bhe mie kodhosa maitu?”

Roma 5:8

Tamaka Lahataꞌala nofotiwohamo kanini kaasino ne intaodiomu peda aini: Kristus nomate so intaodiomu wakutuuno nandoo dokodhosaomu.

Yohanes 11:2

Mariamo ini hobhine meꞌobhano mina-mina kawondu ne aꞌeno Yesus maka nopusuliane wuluno fotuno. Lasarus mosakino naꞌa finimoꞌanendo.

1 Timotius 1:15

Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe: “Kristus Yesus nomai we dhunia ini nofosalamati mie kodhosa”, maka mie fofoliuno kabhahino dhosa ingka o idimo ini.

Yohanes 9:31

Ingka dopandeꞌaaneomu Lahataꞌala miina naefetingke mie kodhosa, mpahinomo mie lumebeno dhumalangino kapoindalono.

Yohanes 9:24

Pada amaitu fenduamo dua dobhasi kabunto saꞌituini maka dopugauane ambado, “Pugau kumotuꞌuꞌano ne wiseno Lahataꞌala, tapandeꞌaane mie amaitu mie kodhosa.”

Lukas 19:7

Tamaka kosasawindo mie mohano kadhadhia aitu tadokomuntuꞌa ambado, “Ingka nobutu ne lambuno mie kodhosa.”

Lukas 7:34

Pada anaꞌa Anano Manusia - Idimo ini - nohato nohumaa nofohoꞌu, ambamiu, ‘Soba ondoomu, mie kumadau-dau bhe pande fohoꞌu, sabhangkando mealaꞌino sewa bhe mie kodhosa.’

Lukas 7:36

Seemie Farisi ⸤ koneaꞌano Simon⸥ nobhasi Yesus daomaa we lambuno. Yesus nokalamo se lambuno maka nengkoha nohumaa.