Lukas 7:24 - Muna Southern Dialect

²⁴ Dokundo kaowu katuduno Yohanes maitu Yesus nopugaumo ne mie bhahi nopulaoꞌao Yohanes ambano, “Kala meꞌondoomu ae gahaꞌa we pandaso bhalano endefiꞌini? Meꞌondo-ondoomu wulu neangko-angkono kawea bhahaa?

Lukas 7:24 Referans Kwoze

Efesus 4:14

Intaodi ini paemo nada anaꞌi kahobu, paemo dua nada koli-koli nebhansu-bhansuleno kawea tawa newoowano solo. Maꞌanano paemo nafounda-unda sabhaha kafoinaꞌundo mie ngkowawe. Weo kangkowawendo, andoa dofekakolilino mie bhaindo.

Lukas 3:2

Wakutuu anaꞌa Imamu Bhalano Hanas bhe Kayafas. Ne taꞌumo anaꞌa Lahataꞌala nokobhoasaomo ne Yohanes anano Zakaria we pandaso bhalano.

Lukas 1:80

Anaꞌi anaꞌa dhulu kabhala dhulu kamatangka rohino. Anoa neate we pandaso bhalano ampa ne oleono namotiwoha wutono ne miendo Israel.

2 Petrus 3:17

Tamaka hintimiu, bhahitieꞌiku timoasiꞌaono, ingka pandeꞌaanemoomu wawo bhahi-bhahiꞌae naꞌa. Dadiꞌanomo kodhagaomu koe dobulukoomu weo kalibundo mie kolilinono pata mefadhulino atora, bhahasaa mondawuomu maiꞌao ne kafindaꞌamiu motangkaꞌano.

2 Petrus 2:17

Mie mpahaguru-guruno itu pasadamo matano oe mokekeleno, pedaꞌidamo pakahawu nefololano kawea moꞌosa. Lahataꞌala tokamo nefontaa-ntaaꞌanda kaeateꞌa weo doloma mposo.

Yohanes 1:23

Ambano Yohanes, “Idimo ini nepulaoꞌaono anabii Yesaya, ‘Nandoo suaha mekei-keino we pandaso bhalano. Fekalaaꞌeomu so kaangkaꞌano Ompu.’ ”

Lukas 7:23

Dokodawua mpuu mie tapa mongaheꞌi kanau hampano kandidikino lalo.”

Lukas 7:25

Ane miina kala meꞌondoomu ae bhahaa? Meꞌondo-ondo mie kopakea alusuno? Mie kopakea alusuno bhe dumadi pontalabhi-labhino ingka deate weo kamali.