Lukas 6:6 - Muna Southern Dialect

⁶ Seꞌoleono dua Sabat Yesus nopesuamo weo lambu kasambaheaꞌa maka nofofoinaꞌu. Ne itu nandoo seemie mokepeno limano sembali, o suanano.

Lukas 6:6 Referans Kwoze

Yohanes 5:3

Ne tambi-tambi naꞌa dobhahi sepaliꞌa mie mosaki dendole-ndole. Nandoo o kabunto, o kakempa bhe kalu, [andoa dofenta-fentaa kaendono oe.

Lukas 4:31

Pada aitu Yesus nosampumo we Kapernaum, seꞌonu kota we kadieno Galilea maka ne oleono Sabat nofofoinaꞌu ne itu.

Lukas 4:16

Yesus nohato dua we Nasaret, liwunomo ampa nobhala. Peda kaneano ne oleono Sabat nopesuamo weo lambu kasambaheaꞌa maka noehe naebasa Kitabi.

Matius 4:23

Yesus noangkai kosekaꞌewaꞌae kadieno Galilea, nofofoinaꞌu ne lambu-lambu kasambaheaꞌa. Anoa nefolele Bhihita Metaa Kafopahintaꞌano Lahataꞌala, poowa nefekaꞌosa sabhaha mie mosaki bhe modaino namisi ne liwu aitu.

Yohanes 9:16

Seemie hodua miendo Farisi dopugaumo ambado, “Tetewei mie anaꞌa miina namaiꞌao ne Lahataꞌala, kapaꞌamo miina namiarae oleono Sabat.” Sigaꞌa dopugau dua ambado, “Nada amai bhahaa mie kodhosa nehabu tanda timenteꞌaono peda ini?” Sampe dewalamo dopotaga-tagali sapada-pada andoa.

Lukas 14:3

Nopugaumo Yesus ne pande-pande Kitabi bhe miendo Farisi ambano, “Weo tubhono agamantoomu naembali bhahaa daefekaꞌosa mie mosaki ne oleono Sabat kaa paise?”

Lukas 13:10

Sewakutuu ne oleono Sabat Yesus tangasano nofofoinaꞌu ne seꞌonu lambu kasambaheaꞌa.

Lukas 6:1

Ne oleono Sabat tangasano Yesus nolalo weo kaampono gandum, anaguhuꞌino detobhemo wunano gandum, tadokokiꞌao limando maka dohumaaꞌe.

Lukas 6:5

Ambano toha Yesus, “Anano Manusia Ompunomo dua oleono Sabat, nokokuasa namotantu atorano Sabat.”