Lukas 6:29 - Muna Southern Dialect

²⁹ Ane dotofa bhagamu, fodoliane dua bhagamu sewetano. Ane doala bhetamu waꞌanda dua bhe bhadhumu.

Lukas 6:29 Referans Kwoze

Ibrani 10:34

Padamo dua menamisiomu kapeano lalondo mie netohongku. Wakutuuno arataamiu dorampasie, tatahimamoomu weo kawulano lalo, hampano pandeꞌaaneomu bhe arataamiu lumiuꞌe kakesa so motahano ampa suhue dhamani.

2 Korintus 11:20

Ane dofobhatuakoomu mie bhaindo, pedamo dua dososopi kanandoomiu, doꞌakalaikoomu, dofekalangke diundo ne wisemiu, dobhantofakoomu, ingka tasabahamoomu.

1 Korintus 6:7

Hampano pomobhi-mobhieꞌaoꞌomu kaowu sapada-pada hintimiu, ingka nokomaꞌana seꞌisemo dua katalomiu. Noafa bhahaa ane taꞌotumuhumoomu mahinggamo pae naꞌumadhilia? Noafa bhahaa ane taꞌotumahimamoomu mahingga damekahugikoomu?

Yohanes 18:22

Pada nopugau peda naꞌa seemie dhagano kamali meehe-eheno ne itu lasao nobhantofa Yesus bhe nopugau ambano, “Gahaꞌa peda itu pugau bhe Imamu Bhalano?”

Matius 26:67

Pada aitu dokapehasi ulano bhe dotumbusie; sigaoꞌano dohambisie, bhe dopugau ambado,

1 Korintus 4:11

Taꞌampamo aitu taoꞌaho bhe nokekele wuꞌu mani, pakea mani tanokobhini-bhinimo, dotofali kainsami bhe tatalilimo miina takolambua.

Lukas 22:64

Matano dodampue maka dofeenae ambado, “Alee anabii, soba bhotoe laꞌae humambisiko itua?”

Tula-tulando rasulu 23:2

Tamaka Imamu Bhalano koneaꞌano Ananias notudu meehe-eheno ne owano Paulus dabhantofa wobhano.

Lukas 6:30

Ane bhe mie nokonisalo ne hintu, waꞌanda. Ane fehebuaꞌamu doalaemo mie bhaimu, koise suli mesaloe.