Lukas 5:29 - Muna Southern Dialect

²⁹ Palusi anaꞌa Lewi nehabumo hame bhalano se lambuno mbali Yesus. Dobhahi mealaꞌino sewa bhe mie sigaoꞌano dohumaa dopombali-mbali bhe Yesus.

Lukas 5:29 Referans Kwoze

Lukas 15:1

Dobhahi mealaꞌino sewa bhe mie kodhosa sadhia domai ne Yesus dofetingke kafoinaꞌuno.

1 Korintus 10:27

Ane dobhasikoomu momaaꞌomu ne lambuno mie tapa marasaeano ne Kristus, maka kumalaomu, tahumaamoomu ampa netaganando. Koemo fee-feenaꞌao kamaiꞌaoꞌano oti aitu, keana nosabha totono lalomiu kumatanga-tangano.

Yohanes 12:2

Ne itu Yesus dopoharoaꞌane, Marta netaganaanda. Ne olotando mie momaano pombali-mbalino bhe Yesus maitu bhe Lasarus dua.

Markus 2:15

Wakutuuno nohumaa se lambuno Lewi, dobhahi dua mie mesalono sewa bhe mie kodhosa dopombali-mbali bhe Yesus bhe anaguhuꞌino, kapaꞌamo dobhahi mangkafie.

Matius 9:10

Pada anaꞌa, tangasano Yesus nohumaa we lambuno Matius, dobhahi mealano sewa sigaoꞌano bhe mie kodhosa domaimo dua. Andoa ini dohumaa dopombali-mbali bhe Yesus bhe anaguhuꞌino.

Matius 5:46

Ane moasiꞌaoꞌomu kaowu mie moasiangkoomu, so dua ae Lahataꞌala namonambokoomu? Ingka mahingga mie mesalono sewa dohabu dua peda naꞌa.

Matius 9:9

Hato nokala nomaiꞌao ne itu, Yesus newohamo seemie nengkoha-ngkoha weo lambu kaesaloꞌa sewa. Neano mie anaꞌa Matius. Ambano Yesus, “Angkafi kanau.” Matius lasao noehe maka noangkafie.

Matius 11:19

Pada anaꞌa Anano Manusia - Idimo ini - nohato nohumaa nofohoꞌu, ambado mie, ‘Soba ondoomu, mie kumadau-dau bhe pande fohoꞌu, sabhangkando mealaꞌino sewa bhe mie kodhosa.’ Tamaka kakotimbangino Lahataꞌala notipandeꞌao kakotuꞌuno ne hasilino.”