Lukas 5:14 - Muna Southern Dialect

¹⁴ Yesus noꞌeleꞌaane naekapuna ne laꞌae maka dua, bhe nopugau ambano, “Kalamo fotiwoha wutomu ne imamu. Namada aitu meowa kapopanga ne Lahataꞌala peda neowilino anabii Musa so netandaindo mie bhahi putae hintu moꞌosamo.”

Lukas 5:14 Referans Kwoze

Lukas 17:14

Yesus noꞌondoda maka nopugau ambano, “Kala fotiwoha wutomiu ne imamuꞌi ⸤ damahakesaa kulimiu⸥ .” Gahaꞌa we laano sala tadosimonggelaꞌamo.

Matius 8:4

Ambano toha Yesus, “Tandaiꞌe, koise mekapu-kapuna ne laꞌae maka dua, ampamo kaowu kalamo fotiwoha wutomu ne imamu. Namada aitu meowa kapopanga ne Lahataꞌala peda neowiliꞌaono anabii Musa, so netandaindo mie bhahi putae hintu moꞌosamo.”

Markus 1:44

“Tandaiꞌe fekataa-taa, koise mekapu-kapunaa ne laꞌae-laꞌaemoa, ampamo kaowu, kalamo fotiwoha wutomu ne imamu. Namada anaꞌa, kapaꞌamo moꞌosamo, kalamo meowa dua kapopanga so Lahataꞌala peda neowiliꞌaono anabii Musa, so netandaindo mie bhahi putae hintu moꞌosamo.”

Matius 12:16

Noꞌeleꞌaanda sepaliꞌa daetaatanga putae laꞌae Anoa maitu.

Matius 9:30

Matando lasao nentalea. Yesus nofodhagadamo ambano, “Posiꞌondoomu koise mekapuna ne laꞌae maka dua.”

Lukas 9:5

Ane pae datumahimakoomu, hunsaomu kota aitu, mahingga bungahasi ne aꞌemiu tantaeꞌomu somo tandano kafodhagando.”

Markus 6:11

Tamaka ane humatoomu ne seꞌonu liwu, maka mieno liwu aitu pae datumahimakoomu, dongahe dametingkekoomu, hunsaeꞌomu liwu aitua. Mahingga bungahasi ne handano aꞌemiu tantaeꞌomu, somo tandano kafodhagando.”

Matius 10:18

Hintimiu datumondakoomu ne wiseno kabhalano liwu bhe kafeompuꞌa mbaꞌinomo kaparasaeamiu ne Idi. Aini somo katolalamiu membaliomu sakusiiku ne andoa bhe mie tapaꞌo mandeꞌaono Lahataꞌala.

Lukas 5:13

Yesus nofonsoho limano bhe nodampasi mie maitu bhe nopugau, “Aꞌunda, moꞌosaꞌo toha.” Mie aitu lasao noꞌosa, kulino nonggelamo.