Lukas 4:28 - Muna Southern Dialect

²⁸ Dofetingke peda naꞌa kosasawindo mie weo lambu kasambaheaꞌa anaꞌa nopaꞌi sepaliꞌa lalondo.

Lukas 4:28 Referans Kwoze

Tula-tulando rasulu 7:54

Sadofetingke pugauno Stefanus naꞌa kamungkulaꞌi Sahano Agama pasae dokansuꞌue atendo sampe dokuꞌi bhe nau-naundo.

Tula-tulando rasulu 5:33

Dofetingke pugau anaꞌa, nolea sepaliꞌa lalondo Sahano Agama, sampe dokopatudhu damongkoda.

Lukas 6:11

Miendo Farisi naꞌa nohehe bhakendo lasao dopugau-gau sapada-pada andoa bhahaꞌi damafaꞌiane Yesus maitu.

Matius 2:16

Sanopandeꞌao lalono gahaꞌa dobhohe-bhoheꞌie mie mande maitu, Herodes noꞌamaha sepaliꞌa. Dadiꞌanomo nofotudumo damongko kosasawindo anaꞌi moꞌane tapaꞌo kumapono haa taꞌu we Betlehem bhe liwu-liwu ne owano. Aini nopokantibha bhe wakutuu katiwohaꞌano kulipopo, peda nefeenaꞌaono ne mie mande naꞌa.

Lukas 4:27

Pedamo dua aitu, ne dhamanino anabii Elisa dobhahi mie kokuli modaino ne witeno Israel, tamaka bhe seemie miina bhe tifekaꞌosaꞌano, mpahinomo Naaman miendo Siria.”

Lukas 4:29

Andoa dosiehe-eheꞌamo dogihasi Yesus we sembalino kota maka dowowoꞌoe se wiwino pimpi, kaengkohaꞌano kotando, patudhundo daꞌumohoe we panda.