Lukas 3:3 - Muna Southern Dialect

³ Pada aitu Yohanes nokalamo ne amai liwu ne kosekaꞌewaꞌae kadie ne owano umeleno Yordan nofosampe bhihita maiꞌaono ne Lahataꞌala. Ambano, “Fetompaꞌaoꞌomu dhosamiu, doliomu ne Lahataꞌala bhe mefekadiuꞌomu maka Lahataꞌala naꞌumamponi dhosamiu.”

Lukas 3:3 Referans Kwoze

Lukas 1:77

somo mohatono umatino putae Lahataꞌala namosalamatida, hampano dhosando naꞌumamponie.

Tula-tulando rasulu 22:16

Dadiꞌanomo noafa gahaꞌa nopoibhahaꞌao lalomu? Ehe, owa wutomu dokadiukoana. Metondala ne Ompu, fekangkilo totono lalomu notiꞌamponiꞌao dhosa-dhosamu!’

Tula-tulando rasulu 19:4

Ambano toha Paulus, “Kakadiuno Yohanes katandaino o mie dofetompaꞌao podiu modaindo, tamaka ambano Yohanes ne mie bhahi, tabeano damarasaea ne mie so maino namalusi anoa, nopulaoꞌao Yesus.”

Tula-tulando rasulu 13:24

Nomaꞌo kaowu nahumato, Yohanes nofohatomo kosasawindo miendo Israel dametompaꞌao dhosando bhe daefekadiu.

Yohanes 3:26

Dadiꞌanomo dokalamo ne Yohanes maka dopugau ambado, “Guru, ingka nandoo meꞌulaiꞌe mie poowaꞌamu we sewetano umeleno Yordan nesakusiiꞌaomu endefiꞌini. Gahaꞌa ampa aitu nofokadiu dua; o mie dopuli dokala ne Anoa.”

Matius 3:11

Idi akadiuangkoomu oe mbali katandaino fetompaꞌao dhosamiu, tamaka so humatono mada kaowu nofoliu kanau kuasa. Mahingga alumense katapuno kaampinino pae amantasia. Anoa naꞌa nakumadiuangkoomu Rohino Lahataꞌala bhe efino.

Yohanes 1:28

Aini nokadhadhia we Betania, we sewetano umeleno Yordan, we kafokadiuꞌano Yohanes.

Lukas 1:16

Naobhahi miendo Israel namodolida dasumuli ne Ompu Lahataꞌalando.

Lukas 4:1

Yesus nokabhintiemo Rohino Lahataꞌala. Nosuli maiꞌao we umeleno Yordan noatoemo Rohino Lahataꞌala we pandaso bhalano.