Lukas 24:50 - Muna Southern Dialect

⁵⁰ Pada peda maitu Yesus nowowoꞌodamo we simbalino kota ampa te owano Betania. Hato ne itu nosangke limano maka nobarakatida.

Lukas 24:50 Referans Kwoze

Tula-tulando rasulu 1:12

Palusi anaꞌa rasulu dosulimo we Yerusalem domaiꞌao te kabhawo nekonando kabhawono Zaitun. Kakodoꞌono bhe Yerusalem napesekilo.

Matius 21:17

Pada nopugau peda aitu, Yesus nohunsadamo, nokala te liwuno Betania maka noodo ne itu.

Markus 11:1

Yesus bhe anaguhuꞌino domaꞌotimo Yerusalem. We owano Betfage bhe Betania, liwu ne laano kabhawono Zaitun, Yesus netudumo dohodua anaguhuno damaꞌindulu.

Markus 10:16

Pada nopugau peda anaꞌa, nokakopudamo anaꞌi maitu maka notei limano te wawondo bhe nobarakatida.

Lukas 24:51

Tangasano nobarakatida, Yesus nogaatidamo notisangke te surugaa.

Tula-tulando rasulu 1:9

Pada nopugau peda naꞌa, notisangkemo ne wisendo; sampe noꞌontomie olu maka miina damohaea.

1 Timotius 2:8

Dadiꞌanomo gaoku mpuu, ne amai maka dua o moꞌane dasumambahea datumanampe limando mongkilono, koe doꞌamahaa, koe dopotaga-tagalia.