Lukas 22:52 - Muna Southern Dialect

⁵² Palusi anaꞌa nopugaumo Yesus ne meangkaꞌindo imamu, neangkaꞌindo dhagano Lambuno Lahataꞌala bhe kamu-kamungkulaꞌi maino so humakoe, ambano, “Kona kanauꞌomu mie modai gahaꞌa sampe metaguomu kampue bhe kawangku?

Lukas 22:52 Referans Kwoze

Lukas 22:4

Dadiꞌanomo Yudas nokalamo ne meangkaꞌindo imamu bhe neangkaꞌindo dhagano Lambuno Lahataꞌala napokanagauꞌao dhalano namowaanda Yesus.

Tula-tulando rasulu 5:26

Pada anaꞌa neangkando dhagano Lambuno Lahataꞌala bhe mieno dokala we Lambuno Lahataꞌala doꞌulei rasulu hoduano naꞌa. Rasulu ini miina damafa-afaꞌianda mbaꞌinomo doteꞌi mie bhahi, bhahaa dobhatumbuanda kontu.

Yohanes 17:12

Tangasano apobhaianda, adambaꞌaanda weo kuasano neamu kawaꞌaomu ne Idi. Idi adhaganida, sampe bhe naseemie miina bhe binasano, mpahinomo anoa toka nefotantu so binasano, somo nokoꞌulaꞌao tibuhino weo Kitabino anabii.

Matius 26:55

Pada aitu Yesus nopugau ne mie bhahi ambano, “Kona kanauꞌomu mie modai gahaꞌa sampe metaguomu kampue bhe kawangku maka humako kanauꞌomua? Ingka seꞌo-seꞌoleo aengkoha-ngkoha afofoinaꞌu weo Lambuno Lahataꞌala, tamaka miina humako kanauꞌomu.

Matius 26:47

Tangasano Yesus nopugau, nohatomo Yudas, seemie maiꞌaono ne anaguhuno ompulu hoduano. Yudas maitu nohato nopoowa bhe mie bhahi metaguno kampue bhe kawangku. Mie bhahi naꞌa dotududa neangkaꞌindo imamu bhe kamungkulaꞌindo Yahudi.

Lukas 22:37

Kapaꞌamo amohatokoomu, aeatino Kitabi tetewei nakoꞌulamo ne Idi peda ini, ‘Anoa notilentu mie modai.’ Hampano sabhaha tibuhino mulaoꞌaono Idi napikikoꞌulamo.”

Lukas 22:51

Tamaka Yesus tanopugau ambano, “Daꞌomo itu.” Lasao nofedampa tingalano mie anaꞌa maka nofekaꞌuhie.

Lukas 22:53

Ingka seꞌo-seꞌoleo apoowa-owa bhe hintimiu weo Lambuno Lahataꞌala tamaka miina humako kanauꞌomu. Ampamo kaowu aitu nohatomo wakutuumiu, ainiꞌaemo tempono kuasano kahohondo.”