Lukas 22:37 - Muna Southern Dialect

³⁷ Kapaꞌamo amohatokoomu, aeatino Kitabi tetewei nakoꞌulamo ne Idi peda ini, ‘Anoa notilentu mie modai.’ Hampano sabhaha tibuhino mulaoꞌaono Idi napikikoꞌulamo.”

Lukas 22:37 Referans Kwoze

2 Korintus 5:21

Kristus tapa mehabuno dhosa, padamo nofoseꞌisee Lahataꞌala bhe manusia kodhosa, neanomo weo kaseꞌisentoomu bhe Kristus nafotahima Lahataꞌala peda mie banara.

Lukas 23:32

Nandoo dua dohodua mie modai newowoꞌondo so damongko dapoowa-owa bhe Yesus.

Galatia 3:13

Tamaka Kristus padamo nofobebasi kaitaomu maiꞌao ne balaano tubhono agama Yahudi, kapaꞌamo notibuhi weo Kitabi, “Nobalaamo mie nekantai te sau salipu.” Dadiꞌanomo Anoamo tumanggoino balaa so intaodiomu.

Yohanes 17:4

Idi padamo afotiwoha kakalabhiamu we dhunia, hampano padamo adhalangi kahadhaa netuduꞌaomu ne Idi.

Yohanes 10:35

Ingka dopandeꞌaanemo wambano Kitabi nolaku ampa suhue dhamani. Dadiꞌanomo, ane andoa tumahimano bhoasaono naꞌa nokonada kalaha-lahataꞌala,

Lukas 18:31

Pada anaꞌa Yesus nosaliꞌimo anaguhuꞌino ompulu hoduano maka nofohatoda ambano, “Aitu dokalaomu we Yerusalem. Ne naꞌa kosasawiꞌae nebuhindo ana-anabii mulaoꞌaono Anano Manusia - Idimo ini - nakoꞌulamo.

Lukas 22:22

Kapaꞌamo Anano Manusia tetewei namate peda toka nefotantuno Lahataꞌala, tamaka nabalaamo mie mowae ne kaewa!”

Markus 15:27

Nandoo dua dohodua mie modai nekantaindo te sau salipu, seemie ne kemano, seemie ne suanano.

Lukas 22:36

Ambado, “Miina sepaliꞌa.” Ambano toha Yesus, “Tamaka aitu laꞌae kokadu-kaduno dhoino tetewei nawowoꞌe, pedamo dua anaꞌa kobhakuno. Maka laꞌae tapa kokampueno naetaa naeaso pakeano maka naeꞌoli kampue.

Lukas 22:52

Palusi anaꞌa nopugaumo Yesus ne meangkaꞌindo imamu, neangkaꞌindo dhagano Lambuno Lahataꞌala bhe kamu-kamungkulaꞌi maino so humakoe, ambano, “Kona kanauꞌomu mie modai gahaꞌa sampe metaguomu kampue bhe kawangku?

Lukas 24:27

Pada peda maitu notalesaandamo tibuhino weo sabhaha Kitabi mulaoꞌaono Wutono, notanda ne Kitabino Musa ampa ne Kitabindo ana-anabii sigaoꞌano.

Markus 15:28

[Maka nokoꞌulamo tibuhino weo Kitabino anabii putae “Anoa natilentu mie modai.”]