Lukas 22:20 - Muna Southern Dialect

²⁰ Peda dua anaꞌa palusi dohumaa nealamo toha kampohoꞌuꞌa bhe nopugau, “Kampohoꞌuꞌa aini podhandi buꞌouno Lahataꞌala bhe manusia, dofekatangkaane tuhuno heaku. Heakumo ini nefotuhu so hintimiu.

Lukas 22:20 Referans Kwoze

1 Korintus 11:25

Pedamo dua anaꞌa pada dohumaa, nealamo kampohoꞌuꞌa bhe nopugau ambano, “Kampohoꞌuꞌa aini o podhandiꞌa buꞌouno Lahataꞌala bhe manusia, dofekatangkaane tuhuno heaku. Taenomo mohoꞌueꞌomu, habueꞌomu somo kafeꞌu-feꞌulaiku.”

Matius 26:28

Heakumo inia. Heaku ini damotuhue so mie bhahi, somo mekatangkano podhandino Lahataꞌala bhe manusia, somo dua katiꞌamponiꞌano dhosando.

Ibrani 13:20

Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.

Ibrani 12:24

Hintimiu mai fewiseomu ne Yesus, Poatoꞌaono podhandiꞌa buꞌou; heano podhandiꞌa buꞌou ini ⸤ neowa katiꞌamponiꞌano dhosa⸥ , noliuꞌe fahalaano bhe tuhuno heano Habel ⸤ mesonsono kabhoosi⸥ .

Ibrani 9:17

O suha kahunsaꞌao kaneꞌomo notiangga ane mie mebuhino suha aitu nomatemo, ane nandoo nodadi ingka miinaꞌo natianggaa.

2 Korintus 3:6

Ingka Anoamo maꞌa kainsami kapooli taembali mie umondofaono Podhandiꞌa Buꞌou. Podhandiꞌa aini miina naengkoha ne tubho tibuhino, tamaka nengkoha ne Rohino Lahataꞌala, kapaꞌamo tubho tibuhino neowa mate, tamaka Rohino Lahataꞌala neowa dadi.

Ibrani 9:15

Kanandooꞌanomo Kristus nembalimo Poatoꞌaono podhandiꞌa buꞌou, neanomo mie toka nebhasino Lahataꞌala daeꞌawa sabhaha kadawu suhue dhamani peda nedhandiꞌaono Lahataꞌala. Bhahi-bhahiꞌae maitu nokadhadhia hampano bhe mateno, ⸤ ingka wutono Kristus,⸥ maka o matemo amaitu mobebasino manusia maiꞌao ne sabhaha kaꞌala nehabundo wakutuuno podhandiꞌa kabhao-bhaono.

Markus 14:24

Yesus nopugaumo toha ambano, “Heakumo inia. Hea aini damotuhue so mie bhahi, somo mekatangkano podhandino Lahataꞌala bhe manusia.