Lukas 21:19 - Muna Southern Dialect

¹⁹ Ane potaamiomu, sumalamatiomu bhe meꞌawaomu dadi sakotuꞌuno.”

Lukas 21:19 Referans Kwoze

Ibrani 10:36

Nofaraluu kosabaha potaamiomu neanomo namada dhumalangiomu kapoindalono Lahataꞌala, tetewei umawaeꞌomu nedhandiꞌaono.

Matius 10:22

Hintimiu ini dabansikoomu sabhaha mie mbaꞌinomo neaku. Tamaka so kosabahano napotaami ampa namalusi, damosalamatida.

Yakobus 1:3

Kapaꞌamo pandeꞌaaneomu, ane sadaa-daa kaparasaeamiu weo kasabha naꞌa, ingka losanomo kakosabaha potaamiomu.

Powoha 3:10

Hampano angkafiomu pahintaku so kosabahaꞌaoꞌomu potaamiomu weo kasabha, maka Idi apobenteangkoomu nahumato tempono kasabha so kumangkanaino kosedhuniaꞌae ini. Ne tempo anaꞌa kosasawindo meateno we dhunia ini daꞌumudhida.

Roma 5:3

Suano kaowu taꞌanaꞌaa, tamaka nowula dua lalontoomu weo kakadee-deentoomu, kapaꞌamo dopandeꞌaane o kakadee-dee neowa kakosabaha dopotaami.

Roma 2:7

Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

Powoha 13:10

Mie toka nefotantu natitohongku, tetewei datumohongkue; mie toka nefotantu namateꞌao kampue, tetewei damongkoane kampue. Maraluuꞌano mpuu kakosabaha dopotaami bhe kaparasaeando umati mongkilo.

Powoha 14:12

Maraluuꞌano ne ini kakosabahando umati mongkilo dopotaami weo kasabha, mie mangkafino pahintano Lahataꞌala bhe kumampuu-mpuuno kaparasaea ne Yesus.

Ibrani 6:11

Gao mani mpuu hintimiu seemie-seemie motiwohaomu kansuhu kakampuu-mpuuno lalomiu ampa we kapuliaono, sampe neanta-antagimiu kotu-kotuꞌu nakoꞌulamo.

1 Tesalonika 1:3

Kapaꞌamo miina bhe katiehea, tafeꞌulai kahadhaa maiꞌaono ne kaparasaeamiu, kawulemiu fotiwohaomu kanini kaasimiu bhe tafeꞌulai dua sabahamiu potaamiomu weo posahunaꞌaomiu ne Ompuntoomu Yesus Kristus.

Matius 24:13

Tamaka andoa kosabahano dopotaami sampe namalusi, dasumalamati.

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

Ibrani 6:15

Abraham nokosabaha neanta-antagi ampa noꞌawamo nedhandiꞌaono Lahataꞌala naꞌa.

2 Tesalonika 3:5

Sio-siomo Ompu namato totono lalomiu lumosangieꞌomu kanini kaasino Lahataꞌala bhe namaꞌangkoomu sabaha dapotaami peda Kristus.

Roma 8:25

Tamaka ane doposahunaꞌao ne pataꞌo newohanto, dokosabaha dofenta-fentaaꞌe.

Lukas 8:15

Mondawuꞌano ne wite menowu maꞌanano mie metingkeno bhoasaono Lahataꞌala, dofekataaꞌe mpuu weo totono lalondo metaaꞌano. Andoa dopotaami kansuhu ampa dokohasili.”

Roma 15:4

Hampano bhahi-bhahiꞌae tibuhino weo Kitabi endefiꞌini, ingka saneamo so kafoinaꞌuntoomu, neanomo namangka ne kafoinaꞌuno Kitabi dakosabaha dapotaami bhe natilawesi lalontoomu. Ane nada anaꞌa kaposahunaꞌaontoomu ne Lahataꞌala sedhuluꞌa dua kamatangkano.

Roma 5:4

Kakosabaha dopotaami neowa katangkano lalo tiꞌakui, katangkano lalo tiꞌakui neowa posahunaꞌao.

Yakobus 1:4

Dhaganie mpuu kakosabaha potaamiomu itu neanomo sadhulu kamatangka, sampe nasumangkamo kamie metaamiu, paemo konimokaeꞌomua.

2 Petrus 1:6

O kapande napotubhahi bhe kafewanakino totono lalo; kafewanakino totono lalo napotubhahi bhe kakosabaha dopotaami weo kasabha; kakosabaha dopotaami weo kasabha napotubhahi bhe dadi lumebe.